Бошқа мавзулар
Бош вазир Бақитжан Сагинтаев бугун Остонадаги ҳукумат йиғилишида ёқилғи-мойлаш маҳсулотлари (ЁММ) бозоридаги вазият туфайли президентга бугуннинг ўзидаёқ Қозоғистон энергетика вазири Қанат Бозумбаевга ҳайфсан эълон қилиш ҳақида тақдимнома киритишини баён қилди.
Сагинтаев энергетика вазири ўринбосари Асет Магауовни лавозимидан озод қилиш ҳақидаги ўз қарорини ҳам билдирди. Сагинтаев мамлакатда бензин билан боғлиқ вазиятни баҳоналар ва мажбуриятларни бажаришдан бўйин товлашлар билан тушунтириш деб ҳисоблашини қўшимча қилиб ўтди.
Энергетика вазири Бозумбаев Қозоғистондаги АЁҚШларда навбатлар кўплигига қарамай, мамлакатда бензин танқислиги йўқлигига ишонтирди.
«Ҳали май ойидаёқ, Павлодар нефть-кимё заводини таъмирлаш баҳордан кузга кўчирилиши ҳақида хат ёзилган эди. Ҳамма олдинма-кетин иккита завод ишдан тўхташини жуда яхши тушунарди. Валюта курсидаги фарқлар, қўшнилардаги нархлар, импорт улушининг кўпайишига барча ҳавола қилишлар — баҳонадан бошқа нарса эмас. Мен бунга розимасман ва буларнинг ҳаммасини баҳоналар ҳамда мансаб бўйича ўз ваколатларини бажаришдан бўйин товлаш деб ҳисоблайман. Бунинг учун жавоб бериш керак»,— деди Бақитжан Сагинтаев.
Ҳукумат раҳбари «КазМунайГаз» вице-президенти Данияр Берлибаевни ишдан бўшатиш бўйича чоралар кўриш ва«КазМунайГаз» раҳбари Сауат Минбаевга ҳайфсан эълон қилиш ҳақида ҳам топшириқ берди.
