Тожикистонда собиқ депутатлар фирибгарлик ва пора беришда айбланди

Ҳўжанд шаҳар суди Истиқлол шаҳар кенгашининг икки нафар собиқ депутатини фирибгарлик ва аксилкоррупция агентлиги ходимига пора беришда айбдор деб топди. Саодат Шарифзода 9 йил, Равшан Ҳасанов эса 5,6 йил озодликдан маҳрум қилинди.

Жиноий ишнинг учинчи фигуранти – ҳайдовчи Акбар Исмоилов ҳам фирибгарликда айбдор деб топилди ва 8 йил қамоққа ҳукм қилинди. Суд қарорига биноан, улар $85 минг жарима тўлайди. Истиқлол шаҳар Кенгашининг икки нафар депутати бўлмиш Саодат Шарифзода ва Равшан Ҳасанов тўрт ой муқаддам Молиявий назорат ва коррупцияга қарши кураш Агентлиги ходимлари томонидан Ҳўжандда ушланган эди.

Бундан аввал Молиявий назорат ва коррупцияга қарши кураш Агентлигининг Сўғд вилоят бошқармаси бошлиғи Карим Иброҳимзода матбуот анжумани ўтказиб, депутат Саодат Шарифзода ҳайдовчи Акбар Исмоилов билан биргаликда 2013 йилдан бошлаб алдов йўли билан бир неча маҳаллий аҳолининг ишончига кириб олиб, улардан 200 минг доллар олган ва ўзларининг шаҳсий эҳтиёжларига ишлатганликларини айтган эди.

Унинг айтишича, Истиқлол шаҳар Кенгаши депутати Равшан Ҳасанов аксилкоррупция агентлиги ходимига жиноятни яшириш мақсадида депутат Саодат Шарифзада номидан 2 минг доллар миқдорида пора таклиф қилган.

Бир фуқаронинг тўрт йил аввал Сўғд вилоятида давлат иншоатларини, жумладан Жаббор Расулов туманидаги болалар боғчасини хусусийлаштириш учун 200 минг доллар бергани ҳақида маълум бўлганидан сўнг жиноий иш очилди.«Ваъда бажарилмади, шундан сўнг фуқаро аксилкоррупция идорасига ариза билан мурожаат қилди», – деди Карим Иброҳимзода.

 

Бўлишинг:

Муҳаррир танлови

Тожикистон: мирзиёевнинг узоқ кутилган сафари олдидан

Ўзбекистон президенти Шавкат Мирзиёевнинг президентликка сайланганидан сўнг Тожикистонга узоқ кутилган илк сафари олдидан Бош вазир Абдулла Арипов Душанбега келиб-кетадиган ...

Шуҳрат барлос: “бу иллатдан қутулмагунча ўзбекни пешонаси шўр бўлиб юраверади”

Турли гуруҳларда бўлаётган баҳсларга эътибор бераман ва баъзида ҳайрон қоламан. Миллий тарих, миллий тил ва адабиёт, ўзбекнинг маънавий-маърифий масалалари ҳақида баҳс ...

Чустда одамлар оммавий заҳарланиши кузатилди

Наманган вилояти Чуст туманида фуқаролар оммавий заҳарланиш натижасида туман шифохонасига ётқизилган. Бу ҳақда “Халқ сўзи“ нашри маълум қилди. Фото:Халқ сўзи Маълумотларга ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400