Туркия “ИД” томонида жанг қилган россиялик ҳарбийни Тожикистонга чиқариб юборди

Туркияда ушланган Россия фуқароси Денис Хисамов Тожикистонга чиқариб юборилди. Россия армиясида капитан унвонида хизмат қилган 34 ёшли Хисамов “Ислом давлати” террор гуруҳи таркибида ҳарбий ҳаракатларда иштирок этиш гумони билан апрель ойида қўлга олинган эди.

Туркия расмийлари Хисамовни Тожикистонга топширди. Чунки унинг қўлида қалбаки Тожикистон паспорти бор эди. Айнан у шу қалбаки паспорт билан 2015 йилнинг май ойида Сурияга йўл олган эди. Тожикистон ИИВнинг маълум қилишича, тез орада Хисамов Россияга топширилади.

Тожикистон махсус хизматлари таxминларига кўра, Хисамов Суриядан Туркияга келган. У бу ердан Россияга ўтишни ва Россияда жиноят содир этишни режалаштирган. Идора қандай жиноят содир этилиши мумкинлигини маълум қилмади.

Тожикистон ИИВ матбуот маркази раҳбари Умаржони Эмомалининг маълум қилишича, Хисамов – Краснодарда туғилган, олий маълумотли, техника фанлари номзоди. 2004 йилдан 2009 йилга қадар Россия Мудофаа вазирлигида ишлаган. Ҳарбий карьераси бошланишида РФ Мудофаа вазирлиги Илмий марказининг давлат сирларини мухофаза қилиш бошлиғи лавозимида ишлаган. Сўроқ вақтида Хисамов Россия армиясидан 2009 йилда бўшатилганлигини айтди.

Россия расмийлари Хисамовнинг ҳибсга олиниши юзасидан изоҳ бермади.

Бўлишинг:

Муҳаррир танлови

«ҳайратланарли даражада бир хил ўхшашликлар»

Бу мамлакатда ▫️аҳоли сони тахминан 32 миллион атрофида; ▫️оилаларнинг 90 фоизи қашшоқлик ёқасида кун кечиради; ▫️цемент, пўлат, ...

Туркияда яна икки ўзбекистонлик вафот этди

2019 йил 27 июнь куни Истанбул шаҳрида (Туркия) 1993 йил 22 майда туғилган Ўзбекистон фуқароси Акмал Равшанович Мамиржанов вафот этган. Бу ҳақда Ташқи ишлар ...

Яширилаётган ҳақиқатлар

Ўзбекистон Республикасининг Конституциясининг 29-моддасида "Ҳар ким фикрлаш, сўз ва эътиқод эркинлиги ҳуқуқига эга. Ҳар ким ўзи истаган ахборотни излаш, олиш ва уни тарқатиш ...