Тошкентда рейдлар: ЙПХ ва МХХ қимматбаҳо машиналарни “овлаяпти”

Тошкентда Йўл-патрул хизмати (ЙПХ) ходимлари “асосан” қимматбаҳо автомобиллар эгаларини турли қонунбузарликларда айблаб, уларга тегишли автомобилларни ушлаб, жарима майдонига жойлаштирмоқда.

ЙПХ ходими рейдлар бутун Тошкент бўйлаб Миллий хавфсизлик хизмати (МХХ) ходимлари ҳамроҳлиги ва назорати остида ўтказилаётганини айтди.

“Йўл қоидаси – умр фойдаси” номи остида 10 октябрдан буён ўтказилаётган рейдларда ҳозиргача ўнлаб қимматбаҳо машиналар ушланиб, “жазо майдончаси”га жойлаштирилган. Ҳайдовчилар эса, ўз машиналарини “жарима майдони”дан қайтариб ололмаётганларидан шикоят қилди.

ЙПХ зобити “асосан қиммат машиналар эгалари” нишонга олинаётганини эътироф этди:

– Тўғри, асосан қиммат машиналар эгаларини ушлаяпмиз. Машиналарини тортиб олиб, “штрафная площадка”га жойлаштираяпмиз. Охирги пайтларда ГАИ ходимларини менсимайдиган бойваччалар кўпайиб кетганди. Шунинг учун уларнинг танобини тортиб қўйишга ҳаракат қилаяпмиз. Штрафни тўлаганлар яна машиналарини қайтариб олаяпти,” деди у.

ЙПХ ходими жаримага тортилган автомобиль эгалари орасида ҳукумат мулозимлари борлигини ҳам билдирди. Бир неча ҳайдовчи уларнинг автомобиллари “арзимас баҳоналар билан” билан ҳибсга олинганидан шикоят қилди.

– Арзимас баҳоналар билан арест қилишаяпти. Машинангни техпаспорти йўқ, ноқонуний жиҳозланган, ишончноманг йўқ, орқа ойнангга қора плёнка ёпиштирилган, деган арзимас баҳоналар билан арест қилиб қўйишаяпти. Иккита ГАИ ходими ёнида иккита формасиз одам турибди,” деди машинаси тортиб олинган ҳайдовчилардан бири.

Бўлишинг:

Муҳаррир танлови

Тан оламан… ва – синдираман!

Бундан икки йил бурун горгазга телефон қилиб, газчиларнинг “уйим совуқ, газ беринглар, бўлмаса порталга ёзаман” деб ўтакасини ёрган эдим. Улар эса “Қадамбой оға, газ хеч ...

Ўзбек сўмига нисбатан ақш доллари курси 13 сўмга қимматлади

Ўзбекистон Республикаси Марказий банки 6 ноябрь кунидан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва ...

Ўзбекистонда ноннинг нархи ошиши кутилмоқда

Ўзбекистонда нон нархи ошиши кутилмоқда. Бу ҳақда "Тўғри.уз" парламентдаги манбасига таяниб хабар бермоқда. Манбанинг маълум қилишича, ноннинг нархи яқин вақт ичида 1500 сўм ...