Журналистика жуда мураккаб касб. Тўғри гапни айтмасанг, сени ҳеч ким журналист сифатида танимайди. Тўғри гапларни айтиш эса доим ҳам ҳавфсиз эмас. Айниқса сўз эркинлиги бўлмаган, нодемократик, ёпиқ жамиятларда.
Қанчалик хавфли бўлмасин жамиятдаги воқеликларга, адолатсизлик, камчиликларга беэътибор бўлмай, кўз юмиб кетишни ўзига эп билмай, ўзи мансуб бўлган жараёнларни ёритиб келаётган қўрқмас журналистлар орасида бизнинг ҳамкасбимиз Рузибой Азимий ҳам бор.
Унинг Ўзбекистон матбуотидаги мақолаларини ўқиганлар бордур. “Мулкдор”да эълон қилинган мақолалар билан таниш чиқарсиз. Ижтимоий тармоқда ҳам ўзи шаҳсан гувоҳ бўлган ҳолатларни, Ўзбекистондаги тизим камчиликларини, муаммоларини кўрсатиб келаётган Рузибой Азимий бугун 29 октябрда ўз таваллуд айёмини нишонламоқда.
“Мулкдор” сайти жамоаси, жонкуяр ва қалами ўткир, фидоий ҳамкасбимизга хайрли умрлар ва сиҳат-саломатлик тилайди.
Рузибой ака доимо ўйлаган хайрли ниятларингиз амалга ошсин. Биз сиз билан фахрланамиз.
“Мулкдор” таҳририяти