Шавкат Мирзиёев ота юртига сафар қилади

Ўзбекистон президенти Шавкат Мирзиёев Тожикистонга сафар қилади.

Бу ҳақида биринчи бўлиб Ўзбекистон президенти қошидаги стратегик ва минтақалараро тадқиқотлар Институти директори Владимир Норов эълон қилди.

Институтнинг “Фейсбук”даги саҳифасида “Шавкат Мирзиёев бошчилигидаги Ўзбекистон дипломатияси барча чегарадош мамлакатлар билан қўшничилик муносабатларини  мустаҳкамлашга қаратилган сиёсий йўналишни фаол ва босқичма-босқич равишда ҳаётга тадбиқ қилмоқда. Бунга нафақат турли даражадаги давлатлараро муносабатларни ривожлантириш, балким тўпланиб қолган турли келишмовчиликларни ҳал қилишда Тошкентнинг ўзаро маъқул ечимлар топишга қаратилган қатъий ҳаракатлари ҳам сабаб бўлмоқда”,  – деб ёзади Владимир Норов.

Институт директорининг таъкидлашича, охирги бир неча ойда кузатилган Ӯзбекистон давлат раҳбарининг барча қўшни мамлакатлар раҳбарлари билан расмий ва норасмий учрашувлари диққатга сазовордир.

В.Норов Ўзбекистон президенти қисқа муддат ичида Туркманистон, Қозоғистон ва Қирғизистонга расман сафар қилганлигини ҳам таъкидлаб, энди навбат Тожикистонга келганлигини ва ташрифга тайёргарлик кўрилаётганлигини эълон қилади.

В.Норов Ўзбекистон Ўрта Осиё мамлакатлари халқлари манфаати йўлида ушбу йўналишда давом этишни мақсад қилганлигига урғу беради. Унинг фикрига кўра, фақат бир-бирининг манфаатларини ҳисобга олиб, биргаликда қилинган ҳаракатлар – барқарор иқтисодий ривожланиш учун асос бўлиши, давлатлараро зиддиятларни батамом ҳал қилиши ва замонавий хавф-хатарларга қарши чора бўлиши мумкин.

Илгарироқ президент Шавкат Мирзиёев БМТ Бош Ассамблеясининг 72-сессиясида Самарқандда “Ўрта Осиё: ягона ўтмиш ва умумий келажак, барқарор ривожланиш ва гуллаб-яшнаш учун ҳамкорлик” мавзусида бўлиб ўтадиган халқаро конференция ҳақида эълон қилганди.

Маълумки, Шавкат Мирзиёев Ўзбекистон Бош вазири бўлган пайтида бир неча маротаба Тожикистон Ҳукуматига Роғун ГЭС-ининг хавф-хатарлари ҳақида битилган мактублар йўллаб, бу йирик иншоотнинг қурилиши тўхтатилишини сўраган эди. Аммо президентлик курсисига ўтирганидан сўнг бу мавзу умуман кўтарилмаган.

Яна бир масалани қайд этиш керакки, Тожикистон Шавкат Мирзиёевга тарихий Ватан ёки ота юрт ҳисобланади. Ўтган асрнинг бошларида президент Шавкат Мирзиёевнинг отаси Миромон Мирзиёев шимолий Тожикистонинг Ғончи туманидаги Яхтан қишлоғида туғилган…

Айни кунларда Тожикистон Бош вазири Қоҳир Расулзода Ўзбекистонга сафар қилиб, президент Шавкат Мирзиёев ва Бош вазир Абдулла Арипов билан 3-ноябр куни учрашиши ва бир қатор масалалар муҳокама қилинилиши режалаштирилган. Шавкат Мирзиёевнинг ота юртига сафари қачонга белгиланиши Тожикистон Бош вазири Қоҳир Расулзода билан учрашувдан кейин аниқ бўлиши кутилмоқда.

Муаллиф: Соҳиб Назар

Бўлишинг:

Муҳаррир танлови

Мамаризо нурмуратов:«ҳеч қанақа деноминация бўлмайди!»  

«Ҳеч қанақа деноминация бўлмайди! Буни хаёлингиздан чиқариб ташланглар!» — Марказий банк раиси Мамаризо Нурмуратов сешанба куни бўлиб ўтган матбуот анжуманида бу ҳақда маълум ...

Самарқанддаги қотилликни содир этганлар ушланди

2019 йилнинг 15 май куни Қўшработ тумани ИИБ навбатчилик қисмига Қўшработ тумани Дўстлик маҳалласида яшовчи 1984 йил туғилган фуқаро С.З. қўнғироқ қилиб, Қўшработ туманидаги ...

Тошкент-душанбе поезд қатнови 30 йилдан сўнг қайта тикланди

Ўзбекистоннинг Тошкент шаҳридан Тожикистоннинг Душанбе шаҳрига деярли 30 йил ичида биринчи марта 21-июнда йўловчи поезди етиб келди. Бу ҳақда “Ўзбекистон темир йўллари” ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400