16 нафар Ўзбекистон фуқаролари озод қилинди

Қозоғистон Республикасининг Қўстоной шаҳрида полиция томонидан маҳаллий тегирмон комплексида эркинликдан ҳоли ҳолда ишлаган 16 нафар Ўзбекистон фуқаролари озод қилинди.

Мазкур хабарнинг тўғрилигини “Қозоғистон жинсий ва репродуктив саломатлик ассоциацияси”нинг Қўстонойдаги филиали ходими Александр Косюк Sputnik Қазақстан мухбирига тасдиқлаган.

Косюкнинг айтишича, озод қилинганлар орасида чақалоқли аёллар ҳам бўлган. Махсус операция ўтказиш жараёнида полиция ходимлари тегирмон комплексида 18 нафар чет эллик фуқаролар ишлаётгани аниқланган.

Бироқ улардан икки нафари бизнесменнинг устидан шикоят-ариза ёзишдан бўйин товлаган. Текширув давомида чет элликлар шахсни тасдиқловчи биронта ҳам ҳужжат кўрсата олмаган.

Чунки бизнесмен уларнинг ҳужжатларини олиб қўйиб, сейфда сақлаган. Мазкур иш юзасидан судгача тергов-суриштирув ишлари бошланган. Аммо шундай бўлса-да, Қўстоной полицияси ушбу ишга доир ҳеч қандай изоҳ бермаган.

Александр Косюк, шунингдек, озодликка чиққан ўзбекистонликларни юқорида тилга олинган ташкилот ёрдамида ижарага олинган уйга жойлаштирилганини маълум қилди.

Ўзбекистонда ишсизликка қарши кураш жиддий тарзда йўлга қўйилмагунча, ҳар хил соҳаларда ишлаётган фуқаролар кўнгилдагидек ижтимоий таъминотга эга бўлмагунча, янги иш ўринларини ташкил этиш илинжида юрган тадбиркорлару ишбилармонларнинг фаолиятларию ғояларига қарши ҳар хил тўсқинликларга барҳам берилмагунча, хусусий корхонаю ишлаб чиқариш масканлари раҳбарлари бошида ҳар хил органу ташкилотлар ҳодимлари тегирмон тошини айлантиравериишига тамоман чек қўйилмагунча бу каби кўргуликлардан қутулиш мураккаблигича қолаверади.

Муаллиф: Рўзибой Азимий

Бўлишинг:

Муҳаррир танлови

«чиройли» рақамлар учун марказий осиёдагилар қанча тўлашга тайёр?

2017 йилнинг 1 сентябридан Ўзбекистонда катта пул эвазига, жумладан, аукцион савдолари орқали маълум бир комбинациядаги ҳарфлар ва рақамларни танлаш имконияти тақдим этилди. ...

Тўғри сўзнинг тўқмоғи

Бугунги ҳикоямиз қаҳрамони Зоҳиджон Зокиров. У Наманган вилояти, Мингбилоқ туманида,1975 йил, 28  сентябрда туғилган. Зоҳиджон Зокироа таниқли, фидоий  Наманганлик журналист ...

Ўзбекистон ёзувчилари уюшмаси раиси муҳаммад алига очиқ хат

Бир раққоса тўйда “инана-нанай - инана-нанай” қилиб рақсга тушиб ўйнаб-ўйнаб келиб, уйидагиларга росса ишлаб чарчадим, деган экан. Шуни сингари Ёзувчилар уюшмаси бутун қавми ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400