Қозоғистонда ота-оналар фарзандларининг ўқишга рўмолда қатнаш ҳуқуқи учун судлашмоқда

Уральск шаҳри 7- ва 37-сонли умумий таълим мактаблари кичик ва ўрта синфларининг тўрт нафар ўқувчи қизларининг ота-оналари уларнинг қизларини машғулотларга киритишларига суд орқали эришмоқчи бўлаяпти. Бу ҳақда ўқувчи қизларнинг манфаатларини ҳимоя қилувчи юрист Арман Абдрашит хабар қилди.

Юристнинг сўзларига қараганда, ота-оналар судда мактаблар кун тартибининг баъзи бандлари ҳамда Таълим ва фан вазирлигининг 2016 йил 14 январдаги буйруғининг қонунийлигини муҳокама қилишга эришмоқчи. Уларга биноан, «турли конфессияларга диний мансублик элементларининг мактаб уст-бошига киритилишига йўл қўйилмайди».

Арман Абдрашит ушбу бандлар Қозоғистон Конституциясининг «давлат таълим муасссасаларида ўқиш бепуллигини» кафолатловчи ва «ўрта таълим мажбурий» эканлигини белгилаб берувчи 30-моддасига зидлигини айтмоқда. Юрист «ўқувчи қизлар рўмол ёки ҳижоб ўрамаётгани, балки қозоқ миллий бош кийими – оқ рангли қимашак кийиб юришгани»ни тасдиқламоқда. Бунда, Абдрашитнинг сўзларига қараганда, ҳамма ўқувчи қизлар намунаси мактаб томонидан тасдиқланган уст-бош кийиб юришади.

Даъвогарлардан бири, Асет Султанули, унинг қизи Уральскдаги 7-сонли мактабнинг 1-синфига қатнаши ва мактаб раҳбарияти октябрнинг ўртасидан бошлаб, мактабга бош кийимда келишни тақиқлаганини айтиб берди. Султанулининг сўзларига қараганда, унинг қизи ҳозир мактабга қатнамаяпти.

7-мактаб директори Виктор Протасов шаҳар маориф бўлимига мурожаат этишни маслаҳат қилиб, изоҳ беришдан бош тортди. Бугун ва эртага 2-сонли фуқаролик судида ота-оналарнинг даъво аризалари бўйича дастлабки суҳбатлар тайинланган.

Аввалроқ, вилоят маориф бошқармаси бошлиғи вазифасини бажарувчи Заура Гумарова бирифингда “ҳамма ўқувчилар мактаб уст-боши кийиш қоидаларига риоя қилишлари шарт”лигини баён қилганди.

Бўлишинг:

Муҳаррир танлови

Саждадан қутилишми ёки айтмасдан илож йўқми?

22 декабрда Республика Бош вазири Абдулла Арипов Ўзбекистон  Хотин-қизлар кўмитасининг  ҳисобот-сайлов конференциясида юртдошларимизнинг   "Ишлаш учун бошка давлатга кетиши  ...

Юнусободдаги барча интернет кафелар ёпилади

  Тошкент шаҳри Юнусобод туманидаги барча интернет кафелар ёпиладиган бўлди. Бу ҳақда Sputnik нашир 4 июнь куни хабар тарқатди. Маълум қилинишича, 2 июнь куни бош вазир ...

Оловга айланган кўчалар ёки «қон чиқмаса ҳисобмас»(ми?)

Бугунги куннинг трендга айланган мавзуси, шубҳасиз – кундузи чироғини ёндираман, деб машинаси ёнаётганлар бўлмоқда. Кечанинг ўзида олов ичида қолган машиналар ҳақида шунчалар ...