Москвада Каримов ҳайкалига қарши имзо тўпланмоқда

Турли номалар, петиция ва ташаббуслар онлайн-платформаси ҳисобланган Change.org сайтида “Ўзбекистон президенти Ислом Каримовга Москвада ёдгорлик ўрнатилишига қарши” сарлавҳаси остида петиция пайдо бўлди.

Тадбир ташаббусчиси, ЛДПР партияси намояндаси Георгий Городецкий Россия пойтахтида “русофоб ва диктатор” Ислом Каримовга ёдгорлик ўрнатилмаслигини гапирди.

Унинг факрича, бундан ташқари “маданиятсиз ва ўқиш-ёзишни билмайдиган ўзбеклар”га нисбатан эса, виза режимини жорий қилиш керак. Бу петицияга қарийб 6 минг киши имзолади.

2016 йилнинг 1 ноябрида, Москва ҳокими Сергей Собянин пойтахтнинг Якиманка туманида жойлашган Ўзбекистон Меҳмонлар уйи яқинидаги хиëбонга Ислом Каримов номини бериш тўғрисида махсус қарор қабул қилган эди. Қарорга биноан, Ислом Каримов ёдгорлиги 2019 йилнинг 31 декабригача ўрнатилиши лозим.

Ёдгорликнинг 35 миллион рубллик бўлган ҳайкалтарош қисмини Ўзбекистон томони молиялаштиради, қурилиш ишлари ва кўкаламзорлаштириш ишлари Москва бюджети ҳисобидан амалга оширилади.

Россияда дунёдаги энг йирик ўзбек диаспораларидан бири – 2 миллионга яқин одам яшайди. Россия Федерациясининг ФМX маълумотларига кўра, Россияда бугунги кунда 1 миллион 700 дан ортиқ мехнат мигрантлари бор ва мамлакатда 200 мингдан ортиқ ўзбеклар доимий яшайди.

Бўлишинг:

Муҳаррир танлови

Ҳукумат талабларимизни бажармагунча гаровдаги аскарлар қўйиб юборилмайди

«Ҳукумат бизнинг талабларни бажармади, демак, биз бу ердаги аскарларни қўйиб юбормаймиз»,- деди Алмазбек Атамбаевнинг маслаҳатчиси Фарид Ниязов. Унинг журналистларга берган ...

Миб инспектори пора олмади, аммо…

“Нафси – амир, ақли – асир бўлганларнинг ҳолига вой”, дейди доно халқимиз. Дарҳақиқат, нафс шундай туйғуки, бир бор унинг қутқусига учдингми, тамом, секин-аста домига тортиб ...

Сиёсатчилар отбоқарлардир

Фурсатдан ва яхши мавзу кўтарилиб қолганидан фойдаланиб, мавзуни яна тилшуносликка бурсам. Сиёсат сўзининг келиб чиқишини биласизми? Ўзи дунёнинг аксарият тилларида бу ...