Қирғизистонда «Йақин инкар» оқимининг эҳтимолий етакчиси ҳибсга олинди

Қирғизистоннинг Чуй вилояти ички ишлар бош бошқармаси тарқатган хабарга қараганда, «Йақин инкар» оқимининг эҳтимолий етакчиси деб айтилаётган 47 ёшли фуқаро ҳибсга олинди. Гумондор 20 октябр куни Москва туман суди қарорига биноан қўлга олинди ва икки ой муддатда ҳибсда ушлаб турилади.

Милициянинг таъкидлашича, эркак Беловодск қишлоғидаги масжидлардан бирида, «Йақин инкар» оқимининг издошлари ўтказаётган мажлис вақтида қўлга олинди.

ҚР Чуй вилоят ИИББ матбуот котиби Нурбек Тоқтосуновнинг маълум қилишича, гумондор бир неча бор Ҳиндистон ва Бангладешда бўлиб, турли диний оқимларнинг тарафдорлари иштирокидаги учрашувда қатнашган.

2003 йилда қирғизистонлик бу шахс «Йақин инкар» оқимига қўшилган ва мазкур диний оқимга тааллуқли бўлган 20дан ортиқ китобни урду тилидан қирғиз ва рус тилларига таржима қилган. Ҳибсга олинган шахс ҚР мусулмонлари диний бошқармаси фаолиятини мунтазам танқид қилиб келгани билан ҳам маълум-у машҳурдир. У Қирғизистондаги «Йақин инкар» оқимининг асосчиларидан бири ҳисобланади.

Гумондорнинг рафиқаси ва 12 нафар фарзанди бор. «Йақин инкар» анъаналарига эътиқод қилгани боис, унинг фарзандлари мактабда таълим олмаган. Бундан ташқари оила ижтимоий ва тиббий хизматлардан воз кечиб келган. Бу оилада туғилган фарзандлар расман рўйхатдан ўтмаган.

Ҳибсга олинган шахс Беловодск қишлоғида турли уйларда истиқомат қилиб келган. Ҳуқуқ-тартибот идораларининг ходимлари ҳар икки уйни тинтув қилди, бу уйлардан экстремистик руҳдаги адабиётлар, аудио ва видеодисклар топилди.

Бўлишинг:

Муҳаррир танлови

Ўзбекистонда “қора рўйхат”да турган 17 минг мусулмондан 16 мингтаси ундан чиқарилган

Ўртоқлашинг Шарҳларни кўринг Принт қилиш Ўзбекистонда “диний-экстремист оқим аъзолари рўйхати”да бўлган 17 минг одамдан 16 минг нафари бу рўйхатдан ўчирилган, улар “нормал ...

Бош прокуратура:ўзбекистонда диндорларнинг «қора» рўйхати энди йўқ

Бош прокуратура халқ орасида авваллари "қора рўйхат" дея танилган рўйхат энди мавжуд эмаслигини таъкидлади.  Бу ҳақда Turon24 хабар берди. Фото: Turon24 "Ўзбекистонда диний ...

Закот ва фитрни энди мобил телефони ва интернет орқали тўлаш мумкин

Click ширкати “Вақф” меҳр-мурувват жамғармаси билан ҳамкорликда ҳайрия, вақф, закот, фитр, ушр, фидя тўловларини Интернет ва уяли алоқа тизими орқали амалга ошириш тизимини ...