Омурбек Бабанов фракция етакчиси лавозимини тарк этди

Омурбек Бабанов «Республика – Ата-Журт» фракцияси етакчиси лавозимини тарк этди. Мазкур фракция депутати Алиярбек Абжалиевнинг маълум қилишича, бу борадаги қарор 13 ноябрь куни фракция йиғилишида қабул қилинди. Бабановнинг ўзи фракция етакчиси лавозимидан кетиши ҳақида ариза бергани айтилмоқда.

Ўз мактубида Бабанов “ижтимоий-иқтисодий сиёсат ўзгариши ва қонун лойиҳаларини ҳаётга муваффақиятли татбиқ этишда “Республика” партияси парламентдаги «Республика – Ата-Журт» фракциясининг иши жипсланган ва интенсив олиб борилиши” кераклигини таъкидлаган. У парламент фракцияси етакчиси лавозимидан кетиш борасидаги ўз қарорини шундай изоҳлади.

«Республика – Ата-Журт» фракцияси раҳбари Омурбек Бабанов президент сайловида иштирок этди ва овоз бериш натижаларига кўра иккинчи ўринни олди.​

Сайловолди кампанияси вақтида Омурбек Бабанов Қозоғистон президенти Нурсултон Назарбоев билан учрашди. Бу учрашув давлатнинг ички ишларига аралашиш дея баҳоланди, ҳамда Остона ва Бишкек ўртасидаги қарама-қаршиликларга сабаб бўлди. Шундан сўнг Интернетда Бабановнинг Ўшдаги асосан ўзбеклар истиқомат қиладиган «Амир-Тимур» (Он-Адир) микрорайонида аҳоли билан бўлиб ўтган учрашувидаги нутқидан парчалар пайдо бўлди. Бабановнинг гаплари айрим фуқаролар томонидан фитна уюштириш сифатида баҳоланди. Сиёсатчини жавобгарликка тортиш керак деган чақириқлар пайдо бўлди.

4 ноябрь куни Бош прокуратура парламент депутати Омурбек Бабанов ва бошқа шахсларга нисбатан “Конституциявий тузумни куч билан ўзгартиришга ошкора чақириқ” , “Миллий, ирқий ёки диний нафат уйғотиш” моддалари бўйича жиноий иш очди.

Омурбек Бабанов айни дамда хорижда. Бабановнинг қайси давлатда экани айтилмаяпти.

Бўлишинг:

Муҳаррир танлови

Ободонлаштириш учун ажратилган 800 млрд сўм қани? депутат ўқитувчиларни тозалаш ишларини қилишдан бош тортишга чақирди

Депутатлар чекка қишлоқларда симёғоч ўрнатади, шифокорлар кўчада райҳон экади, ўқитувчилар йўл четини оқлайди. Қани ер юзининг қайси мамлакатида тартиб шундай? Фақат бизда. ...

Пензада ўз ватандошини бўғиб ўлдирган ўзбекистонлик 7 йилга қамалди

Ўз ҳамкасби ва ҳамюртини иш юзасидан юзага келган можаро оқибатида ўлдирган Ўзбекистон фуқароси Пензада 7 йилга озодликдан маҳрум қилинди. Бу ҳақда  Sputnik Тергов ...

Ўзбекистонда таксичилар 2018 йили 26,2 млрд сўм жарима тўлашди

2018 йилда Ўзбекистонда ноқонуний йўловчи ташувчиларини аниқлашга қаратилган 15,4 мингга яқин қўшма рейдлар ўтказилди. Ушбу маълумотлар чоршанба куни ўтказилган Халқаро ...