Бошқа мавзуларКеча, 17- ноябрь куни қирғизистонлик спортчи Россия Федерациясининг Магнитогорск шаҳрида бўлиб ўтган “Пўлат юрак” (“Стальное сердце”) профессионал жангда ғалабани қўлга киритди.
Магнитогорс шаҳридаги Ромазан номидаги спорт саройида бўлиб ўтган халқаро профессионал жанг санъати мусобақида иштирок этган Ўш вилоятининг Ўзган шаҳри яшовчиси Фозилжон ўғли Иқбол 63,5 кг вазн тоифасидаги жангларда Россия номидан рингга чиққан Сирожиддин Рахимов устидан 3:0 ҳисобида ғалаба қозониб, мусобақа кубогини қўлга киритди.
Бу ҳақда «Космос» спорт клуби мураббийси Обиджон Алимов билдирди.
Халқаро мусобақада Россия, Ўзбекистон, Қирғизистон, Қозоғистон, Туркманистон ва Тожикистон давлатларидан келган спортчилар иштирок этган.
Жанглар Россиянинг «Боец» телеканали орқали эфирга узатилди.
Ўзганлик Фозилжон ўғли Иқбол кўп йиллардан бери спортнинг «кикбоксинг» тури бўйича шуғулланиб келади. 24 ёшли Иқбол беш карра Қирғизистон чемпиони, Украинада дунё чемпионатининг кубогини қўлга киритган, шунингдек Ҳиндистонда, Македонияда ўтган жаҳон чемпионатларида ғалабага эришган.
Муаллиф: З. Худойбердиева
