Туркияда Туркманистон фуқароси “Гуленчилар билан алоқаси учун” судланмоқда

Туркиянинг Қирқларели шаҳрида турк диний намояндаси Фатхуллаҳ Гулен издошлари сифатида кўрилаётган 10 киши иши бўйича суд жараёнлари бўлиб ўтмоқда. Улар “Адлия вазирлиги давлат тузилмаларида тармоқ ташкил этганликда” айбланмоқда.

Туркия матбуотининг хабар қилишича, айбланувчилар орасида Туркманистон фуқароси Ихтияр Аннаев ҳам бор. Туркиянинг кундалик Milliyet газетасининг 15 ноябрь куни хабар беришича, гуруҳ маҳфий алоқа учун Bylock деб номланган ижтимоий платформадан фойдаланган. Айбланувчилар орасида судидоралари ва жазони ижро этиш муассасалари ходимлари ҳам бор.

Аннаевга нисбатан “Фатхуллаҳ Гулен гуруҳига тегишли” ётоқхоналардан бирида мураббий бўлиб ишлаш, шунингдек Bylock мулоқот тармоғидан фойдаланиш каби айблар июл ойида қўйилган эди. Аннаев ва бошқа айбланувчилар бу айбларни инкор қилмоқда. Маълум қилинишича, Республика терговчиси Осман Бекмезчи тергов натижаларини эълон қилар экан, Аннаев ва 9 нафар Туркия фуқаросига нисбатан қамоқ жазоси берилишини сўради.

Гулен ҳаракати билан боғлиқ одамларнинг ҳибсга олиниши борасида Туркия матбуотида пайдо бўлаётган хабарларда Туркманистон фуқароларининг исми-шарифиҳам мунтазам равишда учраб туради.

Хорижда истиқомат қилаётган Фатхуллаҳ Гуленнинг издошлари 2016 йилнинг 15 июль куни давлат тўнтаришига уринишда айбланади. Ҳодисалардан сўнг Гулен баёнот бериб ўзининг давлат тўнтаришига алоқаси йўқлигини айтиб, ўзига қўйилаётган айбловларни инкор қилмоқда.

Бўлишинг:

Муҳаррир танлови

Шавкат мирзиёев владимир зеленскийни сайловдаги ишончли ғалабаси билан табриклади

Президент Шавкат Мирзиёев Украинанинг сайланган президенти Владимир Зеленскийни сайловдаги ишончли ғалабаси билан табриклади. Шавкат Мирзиёев анъанавий дўстлик, ўзаро ...

Ақшнинг қуддус ҳақидаги қароридан кейин исроилдаги тартибсизликлар: 30 дан ортиқ яраланганлар бор

Қуддусда АҚШнинг бу шаҳарни Исроилнинг пойтахти деб тан олиш ҳақидаги қарорига нисбатан фаластинликлар қаршилик сифатида ўтказаётган намойишларда тартибсизликлар бошланди. ...

Яманда собиқ президент солиҳ ҳалок бўлгани тасдиқланди

Яманнинг собиқ президенти Али Абдаллоҳ Солиҳ ўз тарафдорлари ва ҳусит исёнчилари ўртасидаги қуролли тўқнашувда ўлдирилди. Бу исёнчи гуруҳ яқингача Солиҳнинг иттифоқчиси эди. ...