Роберт Мугабега истеъфо учун сўнгги муддат берилди

Зимбабве президенти Роберт Мугабе 20 ноябрь куни мамлакатдаги ҳукмрон ЗАНУ-ПФ партияси раҳбари лавозимидан озод қилинди, унинг ўрнига собиқ вице-президент Эммерсон Мнангагва сайланди.

Президент атрофидаги “жиноятчиларни ҳибсга орлиш амалиёти” бошланганидан бери мамлакатни амалда ҳарбийлар бошқараётган бўлишига қарамай, Мугабе расман Зимбабве президенти лавозимида қолмоқда.

Президентнинг рафиқасиГрейс Мугабе партия сафларидан ўчирилди.

ЗАНУ-ПФ партияси Роберт Мугабега кескин талаб қўйди – у ўз xоҳиши билан маҳаллий вақт билан 12.00гача (Тошкент вақти билан 15.00- тарж.) президентлик лавозимидан кетиши керак, акс ҳолда импичмент жараёни ишга тушади, деди журналистларга вазир Патрик Чинамаса.

 37 йилдан бери Зимбабени бошқариб келаётган Мугабе чоршанба -15 ноябрь куни ҳарбийлар ҳукумат бинолари ва давлат телевидение студиясини қўлга киритганидан сўнг уй қамоғига олинди. Мамлакат ҳукуматидаги нуфузли вазирлар ҳибсга олинди.

Ҳокимиятни қўлга олган зобитлар мамлакатда ҳарбий тўнтариш юз берганини инкор қилмоқда, улар ўзларининг ҳатти-ҳаракатларини президент фаолиятини назорат қилаётган “жиноий гуруҳларга” қарши кураш амалиёти дея аташмоқда.

Куни кеча мамлакат пойтахти Хараре ва бошқа шаҳарларда армия ҳаракатларини қўллаб қувватловчи ва Мугабе истеъфосини талаб қилувчи оммавий намойишлар бўлиб ўтди. Намойиш иштирокчилари ўзларнинг ҳиссиётларини яширишмади ва Мугабе давридаги бир неча ўн йилликлар вақтида қатоғонлардан сўнг сиёсий ва иқтисодий ўзгаришлар зарурияти ҳақида гапиришди, дея хабар берди Reuters ва AFP агентликлари.

Бўлишинг:

Муҳаррир танлови

Латвия совет ёдгорликларини муҳофаза қилиш бўйича шартномадан чиқишга қарор қилди

Латвия парламенти 12-майда Россия билан Совет ёдгорликларини муҳофаза қилиш бўйича шартномани бир томонлама тўхтатиб туриш ҳақидаги қонун лойиҳасини икки ўқишда маъқуллади. ...

Ўзбекистонлик йигит россиядаги боғларнинг бирида ўзини осиб қўйди

2019 йил 20 феврал куни Ленинград вилоятидаги Лужский туман полициячиларига Мшинский массивидаги боғлардан бирида бир йигит мурдаси осилиб тургани ҳақида хабар беришди. ...

Ўзбекистон спорти: 2017 йилнинг ёдда қоларли 17 воқеаси

Ўзбекистон спортида 2017 йил нималар билан ёдда қоладиган бўлди (more…)