Ўзбекистондаги бир неча расмий давлат сайтларига ҳакерлар томонидан ҳужум қилинган.
Ҳакер ҳужуми Kun.uz сайтининг ёзишича 20 ноябрь куни таҳминан соат 17:00 атрофида уюштирилган. Ҳужум натижасида Адлия вазирлиги, Тошкент шаҳар ҳокимияти, Давлат тест маркази веб сайтлари ишдан чиққан.
Хабар қилинишича, веб сайтларга ҳужум Skidie KhaN тахаллусидаги, ўзини бангладешлик деб таништирган кибер ҳужумчи томонидан амалга оширилган.
Шунингдек, Ўзбекистон Республикаси Ташқи ишлар вазирлиги веб сайтига ташриф буюришда ҳам қийинчиликлар пайдо бўлди, деб ёзади Kun.uz.
Cyber Command0s ҳакерлар гуруҳи аъзоси сифатида тан олинган кибер ҳужумчи бундан аввал, Мяньма ҳукумати веб сайтини ҳам ишдан чиқарганди. Ўшанда у «барчаси роҳингя учун», дея изоҳ қолдирган.