Тошкентда руҳий касаллар шифохонасидан қочган учинчи бемор ҳам ушланди

Тошкентнинг Олмазор туманида жойлашган қаттиқ назорат остидаги руҳий касалликлар шифохонасидан 20 ноябрь куни қочган уч беморнинг учинчиси ҳам ушланди.

Тошкент шаҳар Ички ишлар бошқармаси мулозимининг айтишича, 33 ёшли Шорқул Омонов 21 ноябрь куни Чилонзор туманида жойлашган “Абу Саҳий” бозори ҳудудида қўлга олинган.

Ўғирликда айбланиб, суд ҳукми билан 9 ойдан буён Олмазор туманидаги қаттиқ назорат қилинадиган руҳий касалхонада мажбурий даволанаётган Шорқул Омонов 20 ноябрь куни 2 шериги билан қочган эди.

Тошкент шаҳар Ички ишлар бошқармаси мулозимининг айтишича, Омоновни “Абу Саҳий” бозорида ушлаш пайтида у милиция ходимларига пичоқ билан қаршилик кўрсатган.

– У ёнида бўлган пичоқ билан ички ишлар ходимига қаршилик кўрсатиб, ён-атрофдагиларга нисбатан жиддий хавф туғдирган. Уни ушлаш пайти бир ходимимиз тан жароҳати олди. Шунга қарамай, у Омоновни қуролсизлантириб, қўлга олишга муваффақ бўлди”, – деди Тошкент ИИБси мулозими.

Эслатиб ўтамиз, Шорқул Омонов билан бирга қочган Маъруф Рашидов ва Аҳрор Ҳамроев бир кун олдин Тошкентнинг Олмазор туманида ушланган эди.

Тошкент ИИБси мулозимининг айтишича, уччала шахс ўта хавфли жиноятларда айбланган. Жумладан, Маъруф Рашидов одамга қасддан тан жароҳати етказганликда, Ахрор Ҳамроев эса катта миқдорда наркотик модда ноқонуний савдоси билан шуғулланганликда ҳамда қамоқxонадан қочишда айбланган.

Қўлга олинган уччала бемор шифохонага қайтарилган.

Бўлишинг:

Муҳаррир танлови

Путин хориж разведкасининг 400 агенти фош этилганини билдирди

Владимир Путин махсус хизматлардан хорижий разведкаларнинг сиёсий, иқтисодий ва мудоффа аҳамиятига эга маълумотларни олишларига бўлган уринишларини олдини олишни талаб қилди. ...

Америка компанияси қазиб оладиган газ ўзбек хонадонларига йўналтирилади

Американинг Epsilon Development Company сармоя компанияси Ўзбекистонда табиий газ қазиб олиш ҳажмини оширмоқда. Бу ҳақда «Podrobno»га таяниб “Хабар.уз” сайти ёзмоқда. ...

Ўзбеклар бошқа давлатлар аҳолисига қараганда эрта қарияпти

Британиянинг The Lancet илмий журнали турли мамлакатлардаги қариш белгиларининг ўртача ёшига бағишланган тадқиқот натижаларини эълон қилди, деб ёзади “Соф.уз” сайти. ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400