Тожикистонда кардиохирург “салафийлар билан алоқаси учун” қамоққа ҳукм қилинди

Тожикистон суди кардиохирург Абдумалик Саломовни мамлакатда фаолияти тақиқланган диний ҳаракат билан алоқа қилганликда айбдор деб топди ва беш ярим йил муддатга озодликдан маҳрум қилди.

У билан бирга икки нафар ҳаммаслаги ҳам судланди — улардан бири беш йил, иккинчиси эса беш ярим йил қамоққа ҳукм қилинди.

Ҳукм ўтган ҳафта охирларида Хўжанд шаҳар суди томонидан ўқилди. Судланувчилар Тожикистон Жиноят Кодексининг “Экстремистик ташкилот фаолиятида иштирок этиш” моддаси бўйича айбдор деб топилдилар. Саломовнинг қариндошлари у ўзига қўйилаётган айбловларни инкор қилаётганини журналистларга айтишган эди. Хўжанддаги суд идораларидаги манбанинг айтишича, Абдумалик Саломов билан бирга судланувчилар ўриндиғида унинг икки таниши ҳам ўтирди.

Сўғд вилоят Юрак-қон томир жарроҳлик марказининг 41 ёшли кардиохирурги Абдумалик Саломов, унинг синфдоши ва таниши шу йилнинг август ойида Тожикистонда фаолияти тақиқланган “Салафийлар” диний ҳаракати билан ҳамкорлик қилиш гумони билан ҳибсга олинган эди. Терговчиларнинг тасдиқлашларича, уларнинг ҳар учаласи Сўғд салафийларини ташкил қилишган.

Саломов — Тожикистон Тиббиёт университетини битирган. Ўн йилга яқин Москвада истиқомат қилган, юртига 2015 йилда қайтиб келган. Саломовнинг ҳамкасблари ҳибсга олиш кутилмаган ҳол бўлганини айтишмоқда.

Тожикистон Олий суди 2009 йилда “Салафийлар” ҳаракатини экстремистик ташкилот дея тан олган ва мамлакатда унинг фаолиятини тақиқлаган.

Бўлишинг:

Муҳаррир танлови

1-январдан бошлаб ногирон болаларнинг ота-оналарига 4900 сомдан ойлик берилади

Ногирон болаларни боққан ота-оналарга 2019-йилнинг 1-январидан бошлаб 4900 сомдан берилади. Бу ҳақда Қирғизистон Республикаси Меҳнат ва ижтимоий ривожлантириш вазири Улукбек ...

Янгиобод ва чорсу бозорларида «қизил китоб»га киритилган қушлар сотилмоқда

Ўзбекистон «Қизил китоби»га киритилган қушлар Тошкент бозорларида бемалол сотилмоқда. Хусусан, пойтахтнинг Янгиобод ва Чорсу бозорларида ноёб қушлар савдоси кузатилган. Бу ...

Мен ўғри эмасман, қарздорман

Мен Фурқат Мусиндифов Зомин туманидаги МТМда оддий ишчи бўлиб  ишлайман. Жорий йилнинг 8 июнь куни ҳамкасбим Насиба Давирбоевадан 6 000 000 миллион (олти миллион) сўм қарз ...