Андижон вилоятида газ кони топилди

«Андижоннефт» мутахассислари томонидан Булоқбоши туманидаги Учтепа қишлоғида олиб борилаётган нефть излаш ишлари давомида табиий газ кони борлиги маълум бўлган. Захиралар 1080 метр чуқурликда аниқланган. Бу ҳақда «Kun.uz»га «Ўзтрансгаз» АК етакчи мутахассислари маълум қилди.

Мақола kun.uz дан олинди

Айни пайтда «зангори олов» неъматини жиловлаш ишлари бошланиб, кон очилган ҳудудга барча керакли қурилмалар ўрнатилди ва турли жараёнлардаги синов ишлари олиб борилмоқда. Кондан 100 атмосфера босимида соатига 2300-2400 кубометр газ оқими чиқмоқда. Ер қаъридан чиқаётган табиий газ маълум техник жараёнлардан ўтганидан сўнг истеъмолга яроқли бўлади. Конда газни филтрлаб тозаловчи ускуналар ўрнатилган.

Маълум қилинишича, атрофдаги маҳаллаларга янги манбадан чиқаётган табиий газ етказиб берилмоқда.

«Ўзтрансгаз» АК Андижон ҳудудий бўлими томонидан тез фурсатларда 1,5 километр масофага газ қувурлари ўрнатилиб, Булоқбоши туманининг – Буюк Турон, Юксалиш, Дўлана, Мирзакалон Исмоилий, Тошечик маҳаллаларига газ етказиб берилмоқда», деган вилоят газ таъминоти ҳудудий филиали бошлиғи Шавкатбек Қодиров.

Газ конининг ер остида қанча захирага эга экани ҳудудда қазилаётган яна иккита қудуқ ишлари якунига етгач маълум бўлади. Ҳозирда чиқаётган табиий газ босими эса коннинг катта миқдордаги захирага эканлигидан дарак бериб турибди. Мутахассисларнинг билдиришича, «зангори олов» бошқа ҳудудларга барча тизимлар маълум техник синовлардан ўтказилганидан сўнг берила бошлайди.

Маълумотларга кўра, водий вилоятларида шу пайтгача газ кони топилмаганди. Андижон, Наманган ва Фарғона вилоятларига табиий газ Қамчиқ довонидан қувур орқали етказилади. Булоқбоши туманида топилган кон биринчиси бўлди.

Бўлишинг:

Муҳаррир танлови

Ўзбекистон 300 тонна олтин ва кумуш қазишни режалаштирмоқда

Президентнинг 23 июлдаги тегишли қарори билан 2020-2021 йилларда минерал-хомашё базасини ривожлантириш ва қайта тиклаш давлат дастури маъқулланди. Дастур доирасида фойдали ...

Россия олигархларининг бойлиги украинани таъмирлаш учун ишлатилиши мумкин

Ҳозирда Европа Иттифоқи расмийлари ушбу масалани муҳокама қилмоқда, деб хабар берди Bloomberg ўз манбаларига таяниб. Муҳокама чоғида ушбу масала иттифоққа аъзо барча ...

Нодир тўрақуловнинг қудасига қарашли яна бир метан газ қуйиш шохобчаси сотувга қўйилди

Ўзбекистон Ҳарбий судининг тегишли ҳукмига кўра, собиқ МХХ ходими Нодир Тўрақулов ва унинг қудаси Эркин Норқобилов томонидан жиноий фаолиятидан олинган даромадларни ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400