Олий суд 8 мамлакат фуқароларини АҚШга кириш тақиқини маъқуллади

Душанба, 4 декабрь куни, АҚШ Олий суди президент Трампнинг иммиграцияни бутунлай тақиқлаш ва 8та мамлакат, шундан олтитаси мусулмон давлатлари, фуқароларини АҚШга киришини тақиқловчи фармони кучга киришига рухсат берди.

Эндиликда Ливия, Сурия, Эрон, Яман, Сомали, Чад, Шимолий Корея фуқаролари ва Венесуэланинг айрим тоифа фуқаролари кўп ҳолларда АҚШга иммигрант бўла олмайди ва АҚШда оилавий, амалий алоқалари бўлишига қарамай мамлакатга кириш ҳуқуқини ололмайди ёки Америка олий таълим даргоҳларига кира олмайди. Шунга қарамай, чекловлар мамлакатга боғлиқ бўлиб, айрим фуқаролар тоифаси қўшимча назоратдан кейин визалар олиши мумкин.

Баҳорда эълон қилинган ва дарҳол тўсиқ қўйилган президентнинг биринчи фармони каби, Трамп маъмурияти бу галги фармон қабул қилинишини мазкур мамлакатлардан бўладиган терроризм хавфининг кучайиши билан изоҳламоқда. Бу гал фармоннинг амал қилиш муддати чекланмаган, фармон АҚШда истиқомат қилаётган одамларнинг қариндошларига ҳам қўлланилиши мумкин. Фармоннинг аввалги матнида бу каби инсонлар истеъсно қилинган эди. Фармонни танқид қилувчилар ҳужжат одамлар диний қарашларига биноан камситилаётганини айтишади.

Президент маъмурияти вакиллари Олий суднинг кутилмаган қарорини олқишлашди. Чунки, президент Трампнинг мақсади, президент матбуот котибининг айтишича, “АҚШга терроризм таҳдиди бўладиган мамлакатлардан келувчиларни чеклашдан иборатдир”.

Бироқ, бу Олий суднинг вақтинчалик қароридир. Президентнинг мазкур фармони нақадар қонунийлиги масаласида федерал ва аппеляция судларида давом этаётган суд жараёнлари тугаганидан сўнг масала Олий Суд томонидан қайта кўриб чиқилади. Президент фармонининг қонунийлигига бир нечта штат ва ҳуқуқ химоячилари эътироз билдирмоқда.

 

Бўлишинг:

Муҳаррир танлови

Соипов судда тавба қилмаслигини айтиб, палатасига ишиднинг байроғи илиб қўйилишини сўради

Нью-Йорк суди Ўзбекистоннинг 29 ёшли фуқароси Сайфулла Соиповга терроризм ва террор ташкилотларига пул билан ёрдам бериш айбини қўйди: у машинаси билан 8 кишини босиб ўлдирди ...

Ўзбекистонда ҳайит намозига 2,2 миллиондан зиёд фуқаро қатнашди

Бугун Ўзбекистонда фаолият кўрсатаётган 2 057 та масжиддан 1 983 тасида 2,2 миллиондан зиёд фуқаро ҳайит намозини ўқиди. Бу ҳақда ҳукумат ҳузуридаги Дин ишлари бўйича қўмита ...

Ал-азҳар

АЛ-АЗҲАР (ал-Жоми ал-Азҳарнинг қисқа номи) — Қоҳирадаги жоме масжид, университет, ўрта ва ўрта махсус билим юртларини ўз ичига олган йирик расмий диний муассаса. Масжид ...