Путин ўзининг президентлик сайловларида иштирок этишини эълон қилди (видео)

Россия Президенти Владимир Путин 2018 йилда бўлиб ўтадиган давлат раҳбарлиги учун бўладиган сайловларга ўз номзодини кўрсатди. Сайловларда иштирок этиш нияти борасида Путин Нижний Новгородда “ГАЗ” заводининг 85-йиллигига бағишланган концерт-митингда эълон қилди.

“Энг яхши жой ва уни эълон қилишнинг энг яхши сабаби эҳтимол йўқ”, – деди президент.

2017 йил давомида Путиндан бир неча бор давлат раҳбарлиги учун бўлиб ўтадиган сайловларда иштирок этасизми, дея сўрашган эди, аммо у ҳар гал жавоб беришдан ўзини олиб қочарди. 6 декабрь куни кўнгиллиларнинг Бутунроссия анжуманида бу саволни яна бир бор унга беришди. Бу саволга жавоб берган Путин ўз қарорини “яқин ораларда” эълон қилишини билдирди. У анжуман иштирокчиларига мурожаат қилиб, агар номзодини кўрсатса қўллаб-қувватлайсизларими, дея сўради. Залда қарсаклар янгради. Путин бу эътиборни инобатга олишга ваъда берди.

Владимир Путин 65 ёшда. У Россияга 1999 йил охирларидан бери бошчилик қилиб келади. У 13 йил мамлакат президенти лавозимида ишлади, яна тўрт йил – Россия ҳукумати раҳбари бўлди.

Бундан аввал Россия президентлиги учун бўладиган сайловларда телебошловчи Ксения Собчак, “Яблоко” партияси раҳбари Григорий Явлинский, ЛДПР етакчиси Владимир Жириновский ва тадбиркор Сергей Полонскийлар ўз номзодларни кўрсатишларини билдирган эди. Сайловларда шунингдек, мухолифатчи Алексей Навальный ҳам қатнашиш ниятида, аммо расмийлар “Кировлес” иши бўйича айблов ҳукми сабабли у ўз номзодини қўйиш ҳуқуқига эга эмаслигини айтмоқда. Бироқ шунга қарамай, сиёсатчи ўзининг сайловолди кампаниясини давом эттирмоқда.

Бўлишинг:

Муҳаррир танлови

Ўлим жазоси ижро этилганмиди ўзи?..

Ёки маҳкумнинг турмуш ўртоғи 19 йилдан буён бу саволга жавоб топа олмаётгани ва бу борадаги мурожаатлар идоралар ўртасида бюрократия тўпи бўлиб айланиб юргани тўғрисида аччиқ ...

Носир мавлонов самарқанд туманига ҳоким бўлди

Бугун - 30 июль куни ўтказилган халқ депутатлари Самарқанд тумани кенгашининг навбатдан ташқари сессиясида ташкилий масала кўрилди. Ўзбекистон Республикаси Президенти Шавкат ...

Энг ғариб аэропорт тошкентда…ми?

Халқаро аэропортларимиз халқаро танловда ғолиб чиққани ҳақидаги гаплар ондан-сонда қолоғимизга чалиниб қолади. Ҳаво йўлларимиз пиарчилари бўлса, шу заҳоти отини қамчиб, бу ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400