Мирзиёев пахта теримида мажбурий меҳнат қўлланилмаганини билдирди

Президент Шавкат Мирзиёев Конституцияси куни муносабати билан 7 декбарда сўзлаган нутқида Ўзбекистонда жорий йилги пахта теримида мажбурий меҳнат билан боғлиқ бирорта факт аниқланмаганини айтди.

“Мана, бу йил ҳаммангиз кўрдингиз, эшитдингиз, биз бюджет ташкилотлари ходимлари ва талабаларни мажбурий равишда пахта теримига чиқаришни қатъиян тақиқладик. Пахта мавсумида Халқаро меҳнат ташкилоти томонидан болалар меҳнати ва мажбурий меҳнатнинг олдини олиш бўйича тизимли мониторинг йўлга қўйилди. Бу муҳим масалани аввало ўзимиз қаттиқ назоратга олганимиз туфайли биронта салбий ҳолат аниқланмади. Амалга оширилган ишлар самараси халқаро ташкилотлар, қолаверса, кенг жамоатчилик томонидан эътироф этилмоқда”, деди Мирзиёев.

Ўзбекистон Конституциясининг37-моддасида мажбурий меҳнат тақиқланган.

Бироқ Озодлик радиоси жорий пахта терими мавсумида Фарғона вилоятидан қарийб 17 минг, Наманган вилоятидан 1900 ва Сурхондарё вилоятидан 14900 нафар ҳашарчи пахта териш учун ихтиёрий мажбурий тарзда Қорақалпоғистон, Хоразм, Жиззах вилоятларига махсус поездларда юборилгани, Тошкент вилоят пахтазорларида эса Андижондан олиб келинган хашарчилар пахта тераётгани ҳақидаги хабарларни тарқатган эди.

Озодлик манбалари Қашқадарё вилоятининг Касби ва Яккабоғ туманларидаги баъзи мактабларнинг юқори синф ўқувчилари 30 сентябрдан яна пахта теримига чиқарилгани, коллежларнинг учинчи курс ўқувчилари ҳам пахта теримига ҳайдалгани ҳақида билдирган эдилар.

Бўлишинг:

Муҳаррир танлови

Гонконг полицияси намойишчиларни тарқатиш учун илк марта ўқотар қуроллардан фойдаланди

Гонконгда ўтган навбатдаги норозилик акциясида полиция намойишчиларни тарқатиш учун биринчи марта ўқотар қуроллардан фойдаланди, деб «Коммерсантъ» хабарига асосланиб “Дарё” ...

Меҳнат муҳожирлари ҳар йили ўзбекистонга 5 миллиард доллар юбормоқда

1 август куни Халқаро пресс-клубда «Ўзбекистонда одам савдоси ва мажбурий меҳнатга қарши курашишнинг янги тизими: халқаро ҳамкорлик, устувор вазифалар ва муаммолар таҳлили» ...

Депутат:қирғизистонда ишлаган чет элликлар патент олсин

Қирғизистон ичкарисида меҳнат қилаётган чет эл фуқаролари ойига 1000 сомдан патент сотиб олиб ишласин. Бу давлат хазинасига катта маблағ олиб киради. Ушбу таклифни ...