Андижонда 15 яшар қиз ҳомиладор бўлди. Қизларнинг бокиралиги текширилмоқда

Андижондаги 6-мактабда 9- синф ўқувчисининг ҳомиладор бўлиб қолиши ортидан шаҳар мактабларида қизларнинг бокиралигини текшириш кучайди. Бу ҳақда шу мактаб ўқитувчилари ва маҳалла фуқаролар йиғини фаоллари маълум қилди.​

6- мактаб раҳбарларидан бирининг айтишича, айни мактабнинг 9- синф ўқувчисининг ҳомиладор бўлиб қолгани унинг ноябрь ойи охирида мактабга бир неча кун давомида келмагани сабабини аниқлаш давомида маълум бўлган.

– У 25 ноябрь куни дарсга келмади. Бувисига телефон қилдик. Бувиси инсульт бўлиб қолгани ва айни вақтда набираси унга касалхонада қараётганини айтди. 27 ноябрь куни қизнинг уйига текширгани бордик. Бувиси бу гал иситмаси чиқиб ётганини айтди. Тиббий кўрикдан ўтказилганда ўқувчининг ҳомиладор экани аниқланди, – деди мактаб ўқитувчиларидан бири.

Мактаб ўқитувчилари қиз ёз фаслида ҳомиладор бўлгани учун улар масъулиятни ўз зиммаларига олмасликларини билдирди. Андижон шаҳар Ишчилар даҳаси фуқаролар йиғини фаоллари қиз ҳозирда шифокорлар назоратида эканини билдирди. “Ўқувчи туғруқ комплексида даволанди. Икки кун олдин даволаниб чиқди. Мактабга бораётгани йўқ,” – деди Ишчилар даҳаси фаолларидан бири.

Маҳалла фаолларидан бирининг маълум қилишича, мактаб ўқувчисининг ҳомиладорлиги аниқлангач, шаҳар ҳокимлиги қизларнинг бокиралигини текширишни кучайтирган. “Мактабларда қизларни УЗИдан ўтказаяпмиз. Ҳар бир мактаб қизларни ташкиллаштирган ҳолда поликлиникаларга олиб бориб, қизлигини текшираяпти. Текширувлар анча олдин бошланганди” – деди маҳалла фаолларидан бири.

Андижон шаҳар расмийлари ҳозирда қизнинг кимдан ҳомиладор бўлгани аниқлаштирилмоқда. Ички ишлар ходимининг таъкидлашича, қизнинг турли кўрсатма бераётгани текширув ишини мураккаблаштирмоқда. “Дадаси вафот этган. Онаси бор. Онаси Россияга ишлагани кетган. Бувиси, бир опаси ва акаси билан бирга яшайди”,- деди Ишчилар даҳаси фаолларидан бири.

Бўлишинг:

Муҳаррир танлови

Компьютерлар ўқишни тушиниш борасидаги имтиҳонда одамларни ортда қолдирди

Хитойнинг Alibaba ва Американинг Microsoft компаниялари баёнот билан чиқиб, ўзларининг компьютер дастурлари ўқиб чиқилганларни тушиниш масаласида ўтказилган имтиҳонда ...

Тошкент – андижон пуллик автомобиль йўли қурилади

Тошкент - Андижон пуллик автомобиль йўли қурилади. Бу ҳақда Ўзбекистон Республикаси президентининг “Республика иқтисодиётига тўғридан-тўғри хорижий инвестицияларни жалб қилиш ...

Она ўз боласини бешинчи қаватдан ташлаб юборди

Таиланднинг Самутпракан провинциясида янги туғилган чақалоқни 5-қаватдан ташлаб юборишган. Бироқ унинг умрини банан барглари сақлаб қолди. Бу ҳақда ҳорижий оммавий ахборот ...