18 декабрь куни давлат раҳбарининг «2018 йилда темир-терсак тайёрлаш, қора металлар прокатини ишлаб чиқариш ва истеъмол қилиш чоралари тўғрисида»ги қарори қабул қилинди.
Мақола daryo.uz сайтидан олинди.
- Ҳужжатга кўра, 2018 йил 1 январидан: жойларда давлат ҳокимияти органларига таълим ва соғлиқни сақлаш муассасаларига темир-терсак ва қора металл чиқиндиларини тайёрлаш бўйича вазифалар бериш тақиқланади;
- банкротлик, ликвидация, реконструкция ёки модернизация чоғида ҳисобдан чиқарилган жисмонан ёки маънан эскирган асбоб-ускуна ва металл конструкциялар «Ўзметкомбинат» АЖга шартнома асосида темир-терсак ва металл қолдиқлари сифатида мажбурий топширилади;
- Ўзметкомбинат» АЖ ишлаб чиқарган қора металл прокати реализацияси, шу жумладан, олдин тўғридан-тўғри шартномалар асосида белгиланган нархлар бўйича металлопрокат етказилиши назарда тутилган объектлар учун ҳам фақат биржа савдолари орқали амалга оширилади;
- биржа савдоларида биржа ҳажми эҳтиёждан кўп бўлган тақдирда қора металл прокатини тўғридан-тўғри шартномалар асосида экспорт қилиш имконияти тақдим этилади.
Бундан ташқари, 2019 йил 1 январидан эътиборидан республикага қора металл прокати ишлаб чиқариш учун хўжалик юритувчи субъектлар томонидан олиб кириладиган металлургик хом ашё божхона тўловларидан озод этилади (божхона расмиятчилиги учун тўловлар бундан мустасно).