АҚШ молия вазирлиги Чеченистон раҳбари Рамзон Қодировни “Магнитский рўйхати”га қўшиб қўйди. Бу ҳақда шу идоранинг сайтида хабар қилинмоқда. Молия вазирлигининг тахминига кўра, Қодиров судсиз қатл қилишлар, қийноқлар ва инсон ҳуқуқларининг бошқача тарзда бузилишларида айбланмоқда.
Бундан ташқари, янгиланган санкциялар рўйхатига Чеченистоннинг Арғун шаҳридаги полиция бошлиғи Аюб Катаев ҳам тушган. Уни республикада гейларни таъқиб қилиш ва қийноққа солишда гумон қилишмоқда. Рўйхатга, шунингдек, россиялик Андрей Павлов, Алексей Шешеня ва Юлия Майоровалар ҳам кирган.
“Магнитский акти” 2012 йил охирида АҚШ Конгресси томонидан қабул қилинган. Буюк Британияда ҳам “Магнтиский қонуни”нинг ўз варианти бор. Ноябрь ойида Канада ва Литва ҳукуматлари ҳам шунга ўхшаш қонун қабул қилишди.
Ҳужжат Hermitage Capital фондининг ҳуқуқшуноси Сергей Магнтиский шарафига шундай номланган. У Россия бюджетидаги йирик миқдордаги талон-тарожлар схемасини фош қилган эди. Россия ҳукумати бу юристни солиқ тўлашдан бош тортишларда айблаганди. У 2009 йилда Москвадаги тергов ҳибсхонасида унга тиббий ёрдам кўрсатишмаганлари боис ўлган.
“Магнитский рўйхати”га, АҚШ ҳукуматининг фикрига кўра, коррупция ва инсон ҳуқуқларини бузишга алоқадор бўлган одамларни киритишади.