Остонада Сурия бўйича музокараларнинг янги раунди бошланди

Остонада 21 декабрь куни Сурия бўйича тинчлик музокараларининг саккизинчи раунди бошланди. Музокаралар ташаббускорлари Россия, Эрон ва Туркиядир. Учрашувларнинг асосий қисми 22 декабрнинг иккинчи ярмига белгиланган. Куннинг иккинчи ярмида ялпи мажлис бўлади.

Қозоғистон ТИВ матбуот котиби Ануар Жайнақовнинг маълум қилишича, 21 декабрь куни икки томонлама ва кўп томонлама маслаҳатлашувлар бўлиб ўтди. Аммо у бу учрашувлар тафсилотларини ойдинлаштирмади.

Россия, Туркия ва Эрон Остонадаги музокараларда Суриядаги ўт очишларни тўҳтатиш масаласида кафил сифатида чиқмоқда. Остонадаги музокаралар БМТ шофелигида Женевада ўтаётган сурияликлараро музокаралардан айри ҳолда ўтмоқда. Қозоғистон ТИВ хабарига кўра, Остонадаги учрашувда кафил-мамлакатлар, Сурия ҳукумати ва Сурия муҳолифати, БМТ, кузатувчи мамлакатлар — АҚШ ва Иордания делегациялари иштирок этмоқда. Кун тартибида ўт очишни тўхтатиш режимини назорат қилиш, хавфсизлик ҳудудлари фаолияти билан боғлиқ масалалар бор.

Қозоғистон ТИВ учрашувда ҳибсга олинганларни озод қилиш, вафот этганларни жасадини топшириш ва бедарак йўқолганларни қидириш бўйича ишчи гуруҳи тўғрисидаги қоидалар муҳокама қилиниши кутилаётганини маълум қилган эди. Остонада30-31 октябрь куни бўлиб ўтган музокораларнинг еттинчи раундида томонлар ҳибсдагиларни алмаштириш ва ҳалок бўлганларнинг жасадини топшириш масаласида ўзаро консенсусга эришмаган эди.

Давом этаётган музокараларнинг кун тартибида Сурияни миналардан тозалаш бўйича қўшма баёнот тасдиқланиши ҳам бор. Сурияда 2011 йилда бошланган уруш мобайнида 300 мингдан ортиқ киши ҳалок бўлиб, миллионлаб кишилар ўз уйларни ташлаб чиқишга мажбур бўлди.

Россия ва Эрон Суриядаги олти йилдан бери давом этаётган фуқаролар урушида президент Башар Асад ҳукуматини қўллаб-қувватлайди. Туркия ва Қўшма Штатлар эса турли исёнкорлар гуруҳларини қувватламоқда.

Бўлишинг:

Муҳаррир танлови

Буюк турклар.чингизхон ҳақида бир сўз.

Чингизхонни бизга мактабда босқинчи ,қонхўр деб ўқитганлар.Темурни ҳам шундай ўқитганлар. Биз бунга ишонардик. Ўшанда бу Москва сиёсати эканлигини тушинмаганмиз.Москва ...

Норов ўзбекистон ва ақш муносабатларидаги ижобий ўзгаришлар ҳақида гапирди

ШҲТ Бош котиби, Стратегик ва минтақалараро тадқиқотлар институти раҳбари Владимир Норов Ўзбекистон ва АҚШ ўртасидаги муносабатлар қандай ривожланаётгани ҳақида гапирди. ...

Фаластин ташқи ишлар вазири тошкентга келади

Фаластин Давлати Ташқи ишлар вазири Риад ал-Малкий ва Ўзбекистон Ташқи ишлар вазири Абдулазиз Комилов 2016 йил 2018-йилнинг  1-август куни Тошкент шаҳрига Фаластин Давлати ...