БМТ Бош Ассамблеяси Қуддусни Исроил пойтахти дея тан олмади

Бирлашган Миллатлар Ташкилоти Қуддусни Исроилнинг пойтахти дея тан олишдан воз кечди. БМТ Бош Ассамблеяси АҚШнинг Қуддус тўғрисидаги мақомини тан олмаслик борасида резолюция қабул қилди.

Ҳужжат 128 мамлакат – БМТ Хавфсизлик Кенгашининг Қўшма Штатлардан ташқари, барча доимий аъзолари томонидан маъқулланди. Резолюцияга қарши 9та давлат қарши чиқди, яна 35 та давлат бетараф қолди.

БМТнинг Хавфсизлик Кенгашининг худди шундай резолюциясига АҚШ вето қўйганидан сўнг фавқулотда мажлис чақирилди. Ўшанда Хавфсизлик Кенгашининг барча 14 та аъзоси бу ҳужжатни қўллаб-қувватлади. Пайшанба куни қабул қилинган резолюция матни Вашингтон томонидан инкор этилган лойиҳани амалда такрорлайди.

Пайшанба куни қабул қилинган резолюцияда Қуддусни Исроил пойтахти сифатида тан олинишидан воз кечишга чақирилади, бироқ матнда Қўшма Штатлар тилга олинмайди. Ҳужжатда шунингдек, БМТ Хавфсизлик Кенгаши“резолюцияларига зид бўлган қарорлар” юридик кучга эга эмаслиги таъкидланади.

Бундан аввал АҚШ президенти Дональд Трамп бу резолюцияни қўллаб-қувватлаган мамлакатларга молиявий ёрдамларни чеклаши борасида ваъда берган эди. Фаластин расмийлари АҚШни БМТ аъозлари бўлмиш мамлакатларга “таҳдид солаётганликда”айблаган эди.

6 декабрь куни президент Трамп АҚШ элчихонаси Тель-Авивдан Қуддусга кўчирилишга тайёргарлик кўриш борасида фармойиш берган эди. Кўчиш жараёни уч йилдан тўрт йилгача давом этиши мумкин. Трампнинг қарори араб мамлакатлари раҳбарлари томонидан кескин танқид қилинган эди. Фаластин ерларида оммавий норозиликлар бошланди.

Исроил Қуддусни ўзининг ягона ва бўлинмас пойтахти деб билади. БМТ шаҳарнинг шарқий қисмини қонунга зид равишда босиб олинганини айтади. 1995 йилда АҚШ конгресси Америка элчихонасини Қуддусга кўчириш борасида қонун қабул қилди, бироқ шаҳарнинг баҳсли мақоми сабаб элчихона Тель-Авивда қолмоқда.

Бўлишинг:

Муҳаррир танлови

Челябинскда ўзбекистон фуқаросини юк автомашинаси уриб кетди

Ўзбекистоннинг Екатеринбург шаҳридаги Бош консулхонаси берган маълумотга кўра, 2019 йилнинг 26 июль куни Челябинск шаҳрида Ўзбекистон фуқароси Б.Р.ни йўлни кесиб ўтаётганида ...

Истамбулдаги ресторанлардан бирида овқатланган мадуро венесуэлаликлар ғазабини келтирди

Венесуэла президенти Николас Мадуронинг Истанбулдаги энг қимматбаҳо ресторанлардан бирида тушлик қилаётгани видеоси ҳозирда оғир иқтисодий инқироздан азият чекаётган минглаб ...

Аудио: ўзбекистон мажбурий меҳнатга нуқта қўймоқчи. бунга хмт экспертлари ишонади. сиз-чи?

https://www.youtube.com/watch?v=y-b2XgLxhn4&t=8s