Молия вазирлигида бир кунда 50 киши ишдан бўшатилди

23 декабрь куни Ўзбекистон Республикаси Молия вазирлиги ходимлари ёппасига ишдан бўшатилди. Kun.uz манбаси берган ахборотга кўра, вазирликда камида 50 киши ишдан кетган.

Мақола Kun.uz сайтидан олинди.

Ишдан бўшатилганлар орасида бошқарма бошлиқлари Ирина Голышева (Солиқ ва божхона тариф-сиёсати бошқармаси), Ш.Ҳайдаров (Бухгалтерия ҳисоби ва аудит услубиёти бошқармаси) ҳамда А.Абдуллаев (Саноатнинг базавий тармоқлари, ёқилғи-энергетика мажмуи ва геологияни ривожлантириш молияси ва тарифни тартибга солиш бош бошқармаси) ҳам бор. Шунингдек, икки нафар бошқарма бошлиқлари ўринбосарлари ишдан олинган.

Манбанинг маълумотига кўра, оммавий равишда ишдан бўшатишга Молия вазирлигидаги камчиликлар, бюджет халқчил қилинмагани ва йил давомидаги бошқа кўплаб муаммолар сабаб бўлган.

Эслатиб ўтамиз, Ўзбекистон Президенти Шавкат Мирзиёев 22 декабрь куни Олий Мажлис Сенати ва Қонунчилик палатаси аъзоларига Мурожаатномасида Молия вазирлигида тозалаш ишлари ўтказишга буйруқ берганди.

У Ўзбекистон бош вазири ўринбосари — молия вазири Жамшид Қўчқоровга юзланиб, вазирликни тозалашга 10 кун муҳлат берган, «ёш бўлсада, Ватанни севадиган одамлар»ни ишга олишга чақирганди. Акс ҳолда Қўчқоровнинг ўзи ишдан кетиши ҳақида огоҳлантирилганди.

Президент Жамшид Қўчқоровнинг жорий фаолиятидан норозилигини билдираркан, у тақдим этган ҳисоботларда Острогорский таъсири борлигини таъкидлаганди.

Президент «Острогорский» деб Молия вазирлигининг Давлат бюджети бош бошқармаси собиқ бошлиғи Элла Острогожскаяни назарда тутган.

Бўлишинг:

Муҳаррир танлови

Ўзбекистонда доллар курси 42.20  сўмга қимматлади

Марказий банк 30 июлдан эътиборан хорижий валюталарнинг ўзбек сўмига нисбатан янги қийматини белгилади. Ўтган ҳафтадаги қиймат билан солиштирганда, долларнинг расмий курси ...

Канададан россияга янги санкциялар

Канада Россияга Россия нефть, газ ва кимё саноатидаги операциялар учун зарур бўлган бухгалтерия ҳисоби ва реклама каби 28 турдаги хизматларни экспорт қилишни тақиқлади. Ташқи ...

Кремль путиннинг киевдан рус қўшинларини олиб чиқиш ҳақидаги буйруғини эълон қилди

Россия президенти Владимир Путин рус қўшинларини Киев вилоятидан олиб чиқишни буюрди. Бу ҳақда Кремль матбуот котиби Дмитрий Песков маълум қилди. Президент матбуот котиби бу ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400