Бозор ва колбаса цехларига 10 йилдан бери яроқсиз гўшт сотган жиноий гуруҳ қўлга олинди

Ўзбекистон Бош прокуратураси ҳузуридаги Департамент ва Миллий хавфсизлик хизмати ходимлари 10 йилдан буён Қашқадарё вилоятидан Тошкент шаҳрига сифатсиз гўшт маҳсулотлари етказиб келган жиноий гуруҳ фаолиятига чек қўйди. Бу ҳақда “Ўзбекистон 24” телеканали лавҳасига асосланиб nuz.uz хабар қилди.

Мақола sputniknews-uz.com сайтидан олинди

Жиноий гуруҳга Қашқадарё вилоятида туғилган, охирги йилларда Янгийўл туманида яшаб келган 40 ёшли Баҳром Ҳайдаров раҳбарлик қилган. Уюшган жиноий гуруҳ аъзолари маҳаллий ветеринар, қассоб ҳамда даллоллар орқали ўлиши аниқ бўлган касал ва ҳаром ўлган моллар тўғрисида маълумот тўплашган. Ана шундай ҳар бир маълумот учун 15 минг сўмдан 50 минг сўмгача пул тўланган. Сўнгра яроқсиз гўштнинг килоси 10-15 минг сўмдан сотиб олинган. Сифатсиз гўшт маҳсулотига Қашқадарё вилояти Чироқчи тумани ветеринария бўлими ходимлари сохта маълумотнома тайёрлаб беришган.

Тошкентдаги колбаса цехида эшак гўшти ишлатилганлиги аниқланди

Гўштлар Тошкент ва Зангиота туманларидаги яширин цехларга келтирилган. Бу цехларда истеъмолга яроқсиз гўштлар кимёвий ишлов берилиб, чиройли кўринишга келтирилган. Сўнгра килоси 25-30 минг сўмдан сотилган. Гуруҳ аъзолари Тошкент шаҳрига ҳар ойда 25–30 тонна сифатсиз гўшт маҳсулотлари келтиришган.

Аниқланишича, бу гўштлар Тошкент шаҳрининг бир нечта туманларида фаолият юритадиган айрим савдо марказларида, жумладан, “Эски Жўва” деҳқон бозори, “Асл сифатли таъм” МЧЖ, ЯТТ “Мўминов Хусан Хурсанжонович”га қарашли сомсахона, якка тартибдаги тадбиркорлар “Файзиев Ф.З.”, “Қосимов” ва бошқаларга тегишли қассобхоналарда сотувга чиқарилган.

Гуруҳ раҳбари Ҳайдаров орттирган ноқонуний даромади эвазига ўзи ҳамда яқин қариндошларининг номига бир нечта автомобиль ва кўчмас мулкларни расмийлаштирган.

Айни пайтда уюшган жиноий гуруҳга нисбатан жиноий иш қўзғатилган, тергов жараёни давом этмоқда.

Бўлишинг:

Муҳаррир танлови

О! о! о! беҳаё овозларни реклама қилаётган реклама

О! О! О! Сезган бўлсангиз, кейинги вақтларда шу ҳарфнинг обрўи ошиб кетди. Телевизор пултини қўлга олиб, қайси каналга тўғриламанг, чиройли қизлар, баъзан ўрта ёшли аёллар ...

Тошкентда ўтказилган пластик жарроҳлик операциясида икки аёл вафот этди

Ижтимоий тармоқларда пластик жарроҳликдан сўнг икки аёл вафот этгани ҳақида хабар тарқалди. Ушбу иккала ҳолат юзасидан Ўзбекистон Республикаси Бош прокуратураси текширув олиб ...

Москва вилоятида беш ёшли тожик қизи ўлимидан сўнг полиция раҳбарияти ишдан бўшатилди

Серпуховода хизмат текширувидан сўнг тўрт нафар полиция ходими ишдан бўшатилди, улар маҳаллий аҳоли томонидан болалар майдончасида шубҳали эркак борлиги тўғрисидаги хабарни ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400