Тожикистон шимолида кучли шамол оқибатлари ҳамон бартараф этилмади

26 декабрдан 27 декабрга ўтар кечаси Хўжанд шаҳри ва Сўғд вилоятининг айрим туманларида кузатилган кучли шамол оқибатлари ҳамон тўлалигича бартараф этилмади. Минглаб шаҳарликлар ва қишлоқ аҳолиси электр энергиясидан маҳрумлигича қолмоқда.

Фавқулотда вазиятлар Қўмитасининг Сўғд вилояти бўйича қўмитаси қутқарувчилари Хўжанд шаҳридаги айрим туманларда кузатилган аварияларни бартараф этишга муваффақ бўлишди. Тиббиёт муассасалари ва маъмурий биноларга электр бериш тикланди, дея хабар берди вилоят штаби матбуот котиби Шаҳзода Бўтаева.

Унинг сўзларига қараганда, кучли шамол ва ёмғир аралаш ёққан қор натижасида 4та подстанцияда авария юз берди, бунинг оқибатида аҳоли электр манбаидан маҳрум бўлди. Табиий офат туфайли 40та ёғоч устун, ўнлаб дарахтлар қулаб тушди, мактаб, шифохона, маъмурий ва турар жой биноларининг томларини шамол учириб кетди.

Бахтимизга инсоний талофатлар кузатилмади, деди Шаҳзода Бўтаева.

Бундан аввал, Хўжандда шамол шаҳар марказига ўрнатилган 16-метрлик янги йил арчасини қулатиб юборгани, кўплаб уйларнинг, шунингдек дўконларнинг ойналарини синдириб ташлагани ҳақида хабар тарқатилган эди. Табиий офат натижасида зарар кўрган Хўжанддаги бир қатор таълим муассасаларининг раҳбарлари таътил эълон қилишга мажбур бўлди.

Мутахассисларнинг сўзларига қараганда, бу каби кучли шамол сўнги 40 йилда Сўғд вилоятида кузатилмаган.

Бўлишинг:

Муҳаррир танлови

Хидир каримов қорақалпоғистон республикаси прокурори бўлди

Каримов Хидир Саматович Қорақалпоғистон Республикаси Прокурори лавозимига тайинланди. Бу ҳақда ЎзА хабар бермоқда. Х.Каримов шу кунга қадар Навойи вилояти прокурори ...

Товуқ ўғирлаган жиноятчи, миллиард ўғирлаган уддабурондир

Бир иш юзасидан “Сайёр суд“да қатнашишга тўғри келди. Хожибой Тожибоев таъбири билан айтганда: “одам - ундан ҳам кўп“. Ит эгасини танимайди. Бир кичкинагина хонага (эринмай ...

Олсанг ўзингники…ми?

Инсон бор-ки, тирик жон. Тирик экан, у ер, бу ерга  юради. Демак, атрофга назар солади. Сўнгги вақтларда  шаҳарларимизда қатор тизилиб турган минора кўтармалари кўзингизни ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400