Қирғиз депутатлари: Президент ва спортчилар хорижда қирғиз қалпоқ кийиб юрсин

Қирғизистон парламенти депутатлари “оқ қалпоқ” бош кийимини мамлакатнинг бошқа миллий рамзлари – давлат байроғи, герб ва гимнга тенглаштиришни таклиф қилишди. Қонун лойиҳаси парламент сайтида эълон қилинди.

Парламент аъзолари мамлакатнинг биринчи шахслари, жумладан президент, парламент раиси ва унинг ўринбосарлари, ҳукумат раҳбари ҳамда унинг ўринбосарлари ва расмий делегацияларнинг бошқа ҳар қандай аъзоларига уларнинг қабуллари ва ташрифлари вақтида қалпоқ кийиб юриш мажбуриятини юклашни таклиф қилмоқда. Бу “қирғиз халқининг анъаналари ва маданий фондини оммалаштириш ва сақлаб қолиш мақсадида” амалга оширилади.

Ҳужжатга биноан, Қриғизистон шарафини халқаро мусобақаларда ҳимоя қиладиган спортчилар “республиканинг туристик брендларидан бири сифатида маданий рамзни оммалаштириш, халқаро майдонда Қирғиз Республикаси халқи ва унинг миллий колоритининг таниб олиниши даражасини кучайтириш” мақсадида қалпоқ кийиб юришлари шарт.

Ҳукумат қалпоқлар тайёрлаш, олиб кириш ва сотилишини чеклаши зарур, дейилади қонун лойиҳасида.

Қонун муаллифлари “Оқ қалпоқдан бевосита белгиланган мақсадлардан ташқари фойдаланиш”га қарши курашиш ва “Оқ қалпоқни ҳақоратлашда айбдорларни” жазолашни ҳам таклиф қилаяпти. Жазолаш тартиби қонунда кўрсатилмаган.

Бу қонун лойиҳаси ҳайвонлар учун мода кийимларини намойиш қилиш ташкилотчилари итга қалпоқ кийдиришганидан сўнг пайдо бўлди. Фаоллар буни қирғиз халқини ҳақорат қилиш ва миллатлараро низо келтириб чиқариш деб топдилар.

Бўлишинг:

Муҳаррир танлови

Йил бошидан бери россияни 4 миллион киши тарк этди

2022-йилнинг биринчи чорагида Россияни 3,8 миллион киши тарк этган. Маълум бўлишича, уларнинг аксарияти Туркия (364 минг киши), Миср (352 минг) ва Қозоғистонга (205 минг) ...

Ўзбекистон аҳолиси бир йилда 1 миллионга кўпайди

Ўзбекистон Давлат статистика қўмитаси маълумотларига кўра, 2022-йил 1-январь ҳолатига кўра, аҳоли сони 35 миллион 271 минг 276 кишини ташкил қилган. 17,9 миллиони (50,7 фоиз) ...

Эврил турон: қилмишига яраша жазо

“Рустам Иноятов Ўзбекистон МХХ идорасини чорак аср давомида узлуксиз равишда бошқариб келганини, бу давр орасида мамлакатдаги адолатсизлик ва ноҳақлик, диёнатсизлик ва ...