Энг кўп қўйилган исмлар, тўққизинчи фарзандини туққан жиззахлик аёл ва энг оғир чақалоқ. Ўтган йил рақамларда

2017 йилда Ўзбекистонда 722 094та туғилиш қайд этилди. Бу эса 2016 йилгига нисбатан 10 минг 490тага кам (14 фоизлик пасайиш). Бу ҳақда Адлия вазирлигининг ижтимоий тармоқдаги “Ҳуқуқий ахборот” каналида хабар берилган.

Адлия вазирлигининг ФХДЁ соҳасидаги таҳлиллари натижаларига кўра, ўтган йилда 375 минг 192 нафар ўғил бола, 346 минг 894 қиз бола туғилган.

Республика миқёсида энг кўп туғилиш Самарқанд вилоятида қайд этилди – 89 минг 637та (12,4 фоиз). Энг кўп чақалоқ туғилган шаҳар – Наманган шаҳри бўлди – 14 минг 992 нафар (2 фоиз).

2017 йил давомида Қашқадарё вилоятида бошқа вилоятлардагига нисбатан ўғил болалар қиз болалардан кўпроқ туғилиши кузатилди (3395 нафарга кўп ёки 9,4 фоиз).

Ёлғиз она сифатида туғиш кўрсаткичлари Хоразмда камайган (183тага, 0,9 фоиз). Шунингдек, Фарғона (175тага, 0,8 фоиз) ва Бухоро (127тага, 0,6 фоиз) вилоятларида вазият яхшиланган. Самарқанд (253тага кўпайган, 1,2 фоиз), Қорақалпоғистон Республикаси (120тага, 0,6 фоиз) ва Тошкент вилояти (104тага, 0,5 фоиз) ёлғиз оналар туғиши ҳолатлари ортган.

2017 йилда республика бўйича 14 минг 382 нафар эгизаклар дунёга келган бўлиб, бу умумий туғилишлар сонининг 1,9 фоизини ташкил қилади.

Ўтган йилда туғилган энг оғир вазнли қиз – 9,8 килограмм тош босган, 70 сантиметрли энг узун бўйли ўғил бола туғилган.

Жиззах вилоятининг Ғаллаорол туманида истиқомат қилувчи аёл тўққизинчи фарзандини дунёга келтирган.

2017 йилда туғилган қизларга қўйилган энг кўп исм – Мадина бўлди, ўғил болаларга энг кўп қўйилган исм – Азизбек.

2017 йил давомида 138 оилада 3 нафардан иборат эгизаклар туғилиши қайд этилди, шунингдек, бир марта, Андижон вилоятининг Шаҳрихон туманида 4 нафар боладан иборат эгизаклар туғилди.

Хабар kun.uz сайтидан олинди.

Бўлишинг:

Муҳаррир танлови

Иссиқкўлда ўзбекистонлик аёл чўкиб кетди

Иссиқкўлда Ўзбекистон фуқаросининг сувга чўкиб кетиши билан боғлиқ бахтсиз ҳодиса юз берди. Бу ҳақда Ўзбекистон Ташқи ишлар вазирлигининг Консуллик-ҳуқуқий департаменти хабар ...

Мажбурий меҳнат тарафдори эндиликда мажбурий меҳнатга қарши комиссия раҳбари

Сӯнгги бир йил давомида мамлакатимизда кадрлар сиёсатида қатор янгиликлар бӯлди.  Бир неча вазирлик ва идоралар раҳбарлари, раҳбар ӯринбосарлари, масъул шахслар ӯзгарди. Бир ...

Ўзбекистонда 2021 йилдан мажбурий суғурта тизими жорий этилади

Соғлиқни сақлаш вазирлиги матбуот хизматининг хабар беришича, 2021 йилдан бошлаб Ўзбекистонда мажбурий суғурта тизими босқичма-босқич жорий этилади. Мазкур тизимни молиявий ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400