ИИББ раҳбарининг айтишича, «Жиноятчиликнинг 50 фоизга тушиши — Мирзиёвнинг сиёсати» экан

Сўнгги икки йилда Ўзбекистонда жиноятчилик даражасининг кескин пасайгани — президент Шавкат Мирзиёев сиёсати натижасидир. Бу ҳақда Тошкент ИИББ бошлиғи Рустам Жўраев сешанба куни бўлиб ўтган брифингда айтган.

Рустам Жўраев

Унинг сўзларига кўра, 2017 йилда Тошкентдаги 9 та маҳаллада бирорта ҳам жиноят содир этилмаган бўлса, 2018 йилда бу рақам 70 тага етди. Талончиликлар сони 51 фоизга (245 тадан 120 тага), босқинчилик — 53 фоизга (136−64), ўғирлик — 52 фоизга (1969 − 947), фирибгарлик — 46,5 фоизга (2420 − 1296) камайган (республика бўйича статистика).
Бошлиқ Рустам Жўраев ахбороти қай даража тўғри ёки нотўғри буниси бизга қоронғу. Бироқ Шавкат Мирзиёев сиёсати дейишликка ҳалибери эрта эмасмикан. Майли Пезидентни сиёсати туфайли жиноятчилик фоизи тушди ҳам дейлик. Бироқ Мирзиёев даврида миграциянинг сони камайиш ўрнига кўпайиши, аҳолини қашшоқлашиши камаймасдан яна да қашшоқлар сонини кўпайишига ҳам Мирзиёевнинг сиёсати айбдорми?
Ўзбекистонда Рустам Жўраев ва бошқа амалпараст ва унвонпарастлар сўнги кунларда Мирзиёевни мақташ сиёсатини бошлаб юбордилар бу эса мамлакатни Каримов давридаги жарликка яна олиб келишидан дарак беради.

Ўзбекистонда 1 февралдан чиқиндиларни олиб чиқиб кетиш нарҳи ошади 

Қаттиқ маиший ва суюқ ҳолдаги чиқиндиларни аҳоли, ташкилот ва корхоналардан олиб чиқиб кетиш тарифи 2019 йил 1 февралдан ошади. Бу ҳақда “Кун.уз” сайти «Махсустранс» Давлат ишлаб чиқариш бошқармасига асосланиб ёзмоқда.

Фото: «Коммерсант»

Тарифлар қуйидаги суммани ташкил қилади:

  1. Қаттиқ маиший чиқиндиларни олиб чиқиб кетиш –жисмоний шахслардан:

бир киши учун бир ойга – 4500 сўм

2. Қаттиқ ҳолдаги чиқиндиларни тўплаш ва олиб кетиш:

бюджет ташкилотларидан 1 м3 учун – 53989,56 сўм;

хўжалик ҳисобидаги ташкилотлардан 1м3 учун – 53986,56 сўм;

  1. Суюқ маиший чиқиндиларни олиб чиқиб кетиш:

бюджет ташкилотларидан 1 тоннасига – 20174,12 сўм;

хўжалик ҳисобидаги ташкилотлардан 1 тоннасига – 20174,12 сўм;

  1. НД-310 русумли автомобилларда чиқиндиларни қайта юклаш станцияларидан:

(Яшнобод, Яккасарой ва Юнусобод ЧКЮШ) «Оҳангарон» чиқиндихонасигача олиб бориш 1 тоннаси учун – 15015,8 сўм.

ЎЗБЕКИСТОН ХАЛҚ АРТИСТИ ПЎЛАТ САИДҚОСИМОВ ВАФОТ ЭТДИ

Бугун, 18 январь куни Ўзбекистон халқ артисти Пўлат Саидқосимов 88 ёшида вафот этди.

Фото:natlib.uz

“Ўзбеккино” матбуот хизматининг хабар беришича, аввалроқ Қўқондаги съёмка вақтида актёрнинг тоби қочган, шундан сўнг у шошилинч равишда Тошкентдаги Республика шошилинч тиббий ёрдами илмий марказига олиб келинган. Бу ерда уни Соғлиқни сақлаш вазири ўринбосари Абдуҳаким Хажибаев операция қилган, амалиёт олти соат давом этган.

Аммо, шифокорлар томонидан кўрсатилган ёрдамга қарамай актёр вафот этган.

Пўлат Саидқосимов – театр ва кино актёри. 1969 йилда Ўзбекистонда хизмат кўрсатган артист, 1979 йилда эса Ўзбекистон халқ артисти унвони билан тақдирланган.

У 1931 йилнинг 8 октябрида Тошкент шаҳрида туғилган. Фаолиятини Ҳамза номидаги Ўзбек драма театрида бошлаган.

«Муҳаббат можароси», «Абу Райҳон Беруний», «Чол ва набира», «Шайтанат» каби ўнлаб фильмларда роль ижро этган.

Манба: «UzNews.uz»

Ўзбекистонда 1 мартдан бошлаб ногирон фарзанди бор оналарга пенсия тўланади

2019 йил 1 мартдан бошлаб болаликдан ногиронлиги бўлган фарзанди бор оналарга, улар пенсия ёшига тўлгандан сўнг, агар уларда пенсия тайинлаш учун зарур стаж мавжуд бўлмаса, ижтимоий нафақа тўланади. Бу ҳақда «Ҳуқуқий ахборот» хабар берди.

Эслатиб ўтамиз, Ўзбекистоннинг ён қўшниси бўлган Қирғизистонда  жорий йилнинг 1-январидан бошлаб ногирон болалар қаровчисига ойлик сифатида 4900 сомдан берила бошлаган эди. Маълум бўлишича, Қирғизистонда ногирон боласини боққан ота-онанинг меҳнати давлат томонидан расмий тан олиниб, кейинчалик нафақага чиқиш имкониятлари ҳам қаралган.

ТОШКЕНТДАГИ ТУРАР-ЖОЙ БИНОСИДА 4ТА ХОНАДОН БАЛКОНИ ЎПИРИЛИБ ТУШДИ

Бугун, 17 январь куни тахминан соат 18:40да Учтепа туманининг 23 даҳасида 20 сонли уйда 4та хонадон балкони ўпирилиб тушган.

ИИББ хабарига кўра, балконлар 5 ва 2 қаватлар орасида бирма-бир жойлашган бўлишган.

Жабрланганлар йўқ. Ўпирилишга балконга ғиштларнинг териб қўйилгани ва натижада балкон оғирликни кўтара олмагани сабаб бўлган.