Ўзбекистон Республикаси президенти одамнинг иммунитет танқислиги вируси келтириб чиқарадиган касаллик тарқалишига қарши курашиш тизимини янада такомиллаштириш чора-тадбирлари тўғрисидаги ҳужжатга имзо чекди.
Кўрилаётган чоралардан бири узоқ муддат чет элда бўлган фуқаролар билан ишлаш кўзда тутилган, дея хабар берди махаллий ОАВ.
Ҳужжатда Ўзбекистонда 2018 йилга белгиланган ОИВ тарқалишига қарши курашишга қаратилган Давлат дастури тасдиқланган. Унда ОИВ инфекцияси юқиш хавфи юқори бўлган гуруҳлар, хусусан, меҳнат мигрантлари ва уларнинг оила аъзолари, шунингдек, маиший хизмат кўрсатиш муассасалари ходимлари орасида ОИВ инфекциясининг профилактикаси бўйича тушунтириш-тарғибот ишларини ҳамкорликда амалга ошириш шартлигини назарда тутувчи тартибни ишлаб чиқиш ва тасдиқлаш белгиланган.
Шунингдек даволаш-профилактика муассасалари эҳтиёжларидан келиб чиққан ҳолда стерилизация бўлимлари ва пунктларининг моддий-техника базасини мустаҳкамлаш, уларни замонавий аппаратлар ва асбоб-анжомлар билан тўлиқ жиҳозлаш учун зарур маблағ ажратилишини назарда тутилган.
ОИВ инфекциясининг олдини олиш, ташҳис қўйиш ҳамда даволаш соҳаларида илмий тадқиқотларни ривожлантириш ва мувофиқлаштириш бўйича тизимли ишларни олиб бориш, илмий ва инновацион тадқиқотлар натижалари соғлиқни сақлаш амалиётига татбиқ этилишини таъминлаш белгилаб қўйилган.
Расмий маълумотларга кўра, Ўзбекистонда ОИВга чалинганлар сони 32 минг кишини ташкил қилади.