Косонсой туманида 36 киши овқатдан заҳарланди

Фото: bbc.com

Наманган вилояти Косонсой туман тиббиёт бирлашмасининг юқумли касалликлар бўлимига 5 февраль куни тонги соат 6:00 дан 12:00 га қадар кўнгил айниши, қайт қилиш, бош оғриғи ва умумий ҳолсизлик каби касаллик белгилари билан тиббий ёрдам сўраб 36 нафар фуқаро мурожаат қилган. Улар ўткир гастроэнтерит, токсикоинфекция ташхисига гумон қилиниб, шифохонага ётқизилган, деб хабар берди KUN.UZ’га Соғлиқни сақлаш вазирлиги ахборот хизмати.

Хабар kun.uz сайтидан олинди

Беморлар билан ўтказилган суҳбат давомида барча беморлар ўз касалликларини 4 февраль куни соат 12:00-13:00 оралиғида Косонсой туман марказий деҳқон бозорида номаълум шахс томонидан уй шароитида тайёрланган кала-поча гўшти ва хасип таомини харид қилиб, истеъмол қилиш билан боғлаган.

Ушбу ҳолат юзасидан Соғлиқни сақлаш вазирлигининг алоҳида назорати ташкил этилди. Косонсой туман тиббиёт бирлашмаси зарур дори-дармонлар, инфузион эритмалар, бир маротаба ишлатиладиган шприц ва системалар билан етарли миқдорда таъминланган.

Юзага келган эпидемик вазиятни жойига чиқиб ўрганиш, беморларга ва маҳаллий мутахассисларга ўз вақтида ҳар жиҳатдан амалий ёрдам кўрсатиш мақсадида Соғлиқни сақлаш вазирлигининг масъул мутахассисларилари, жумладан, Республика Эпидемиология, микробиология ва юқумли касалликлар илмий-текшириш институти директори А.Абдушукуров, Давлат санитария-эпидемиология назорати маркази бош шифокори ўринбосари А.Шукуров ва бўлим бошлиғи У.Исмаилов, Андижон тиббиёт институтининг бир гуруҳ етакчи мутахассислари Наманган вилояти Косонсой туманига юборилган.

Косонсой туман деҳқон бозорида санитария-эпидемиология хизмати, Ички ишлар ва Солиқ органлари мутахассислари билан профилактик тадбирлари олиб борилмоқда.

Шифохонада даволанаётган беморларнинг аҳволи қониқарли, оғир беморлар йўқ, уларга малакали тиббий ёрдам кўрсатилмоқда.

Бўлишинг:

Муҳаррир танлови

“бу маддоҳ ва ўғрилар мансабда экан адолат бўлишига ишониш қийин…”

Бугун бир танишим билан учрашиб колганимда анча гаплашиб колдик ва унинг фикрлари мени хайрон колдирди. Мен унга ҳозирги ижобий ишлар ва ислоҳотларни жадал олиб бораётгани, ...

Ўзбекистон e-visaга ҳали ҳам тайёр эмас

Ўзбекистон расмийлари 2018 йил бошида 1 июлдан Ўзбекистонга боришни хоҳлаган хорижий сайёҳлар учун электрон виза жорий этилиши ҳақида эълон қилган эдилар. Ҳозирга келиб эса ...

Ўзбекистон аҳолиси қозоғистонга қайси мақсадлар учун боришмоқда?

Кейинги пайтларда қўшни давлатлар билан муносабатимиз анча яхшиланди. Айниқса, Қозоғистон Республикаси билан алоқалар фаоллашди. Буни ижобий ҳолат сифатида боҳалаш керак. ...