Туркманистон шимолида номаълум вирус туфайли паррандалар нобуд бўлмоқда

Дашўғузда маҳаллий хўжаликларда номаълум вирус туфайли паррандалар нобуд бўлмоқда. Туркманистон шимолий минтақасидаги манбаларининг хабар қилишича, Болдумсаз ва Гурбансолтан туманларида ўнлаб товуқлар нобуд бўлган.

“Нобуд бўлган товуқлар гўштининг ранги кўмирга ўхшаб қорайиб қолади. Битта парранда нобуд бўлиши билан, қишлоқдаги бошқа паррандалар ҳам бирин-кетин нобуд бўла бошлади”, – дейди “Озодлик”нинг Болдумсаздаги манбаси. Унинг сўзларига қараганда, маҳаллий ветеринарлар томонидан касалликка қарши қўлланилаётган препаратлар фойда бермаяпти.

Бундан ташқари, минтақа аҳолиси ҳайвонлар ҳам куйдиргидан нобуд бўлаётгани билан боғлиқ ҳодисани айтишмоқда. Вируснинг тарқалаётгани, ҳайвон ва паррандаларнинг нобуд бўлаётгани Дашғўғуз расмийлари томонидан маълум қилинмади.

Сўнгги йилларда Туркманистонда бир неча бор уй ҳайвонлари ва паррандалар номаълум вирусдан нобуд бўлаётгани ҳақида хабар берилган эди. Ўтган йилнинг декабрь ойида Дашўғуз вилоятининг бир нечта туманида, жумладан Рухубелент ва Сапармират Туркменбаши туманларида ўнлаб бош уй ҳайвонлари номаъум инфекция туфайли нобуд бўлди.

Шу билан бирга расмий матбуот иқтисодий ютуқлар, жумладан чорвачилик соҳасида қўлга киритилган муваффақиятлар ҳақида хабар беришда давом этмоқда.

Бўлишинг:

Муҳаррир танлови

Ўзбекистонда товарларнинг нархи юқори даражада ошди? – мб ҳисоботи

Марказий банк “Ўзбекистон Республикаси аҳолиси ва корхоналарининг инфляцион кутилмалари” номли ҳисоботни эълон қилди. Унга кўра, жорий йил III чорагида иқтисодиётдаги ...

Чип-чип жўжаларим!

Куни кеча пешинда энди кўзим илинган экан, эшигимиз олдига икки машина келиб тўхтади. Эшитиб ётибман, машина эшиклари очилиб, камида тўрт ё беш киши тушди. Уйимга келган ...

Тошкентда ўзини расмга олаётган қиз учинчи қаватдан тушиб кетди

2019 йил 9 февраль куни Тошкент шаҳрининг Юнусобод туманида яшовчи, 14 ёшли ўрта мактаб ўқувчиси Ф.Т. (қиз) 3-қаватда жойлашган уйининг дераза ойнаси олдида мобиль телефони ...