Назарбоевнинг қизи ва куёви – Forbes версияси бўйича бадавлат қозоғистонликлардир

Қозоғистон президентининг ўртанча қизи Динара Кулибаева ва унинг эри Тимур Кулибаев Американиннг Forbes журнали томонидан эълон қилинган миллиардерлар рўйхатида 194 та позиция юқори кўтарилдилар. Улар мамлакатдаги йирик банклардан бирини биргаликда назорат қилишади.

Нашрнинг маълум қилишича, Кулибаевлар оиласининг капитали бир йил мобайнида 2,2 миллиард долларга кўпайган.

Forbes версияси бўйича тўлдирилган рўйхатга беш нафар қозоғистонлик кирди. Рўйхатдаги етакчилик бу йил ўзгарди: агар ўтган йили энг бой қозоғистонлик сифатида Америка журнали томонидан бизнесмен, президент маъмурияти собиқ ишлар бошқарувчиси Булат Утемуратов тан олинган бўлса, бу йил энг бой қозоғистонлик сифатида Тимур ва Динара Кулибаевлар эълон қилинди.

Тимур Кулибаевнинг даромади, Forbes маълумотига кўра, 1,1 миллиард долларга ошган ва 3,2 миллиард долларни ташкил қилган. Журнал Динара Кулибаева бойликлари ҳақида маълумот берар экан, мана шу рақамларни келтирган. Кулибаевалар оиласининг капитали, Америка нашрига кўра, 6,4 миллиард доллардан ошиб кетади. Ўтган йили эр-хотинлар рўйхатнинг 973 қаторидан ўрин эгаллашган бўлса, бу йил 779 ўринга муносиб кўрилди.

Кулибаевлар «АЛМЭКС» компанияси орқали Қозоғистон Халқ банкини назорат қилади, бу банкни ўтган йили ўша вақтда активлари бўйича мамлакатдаги энг йирик дея кўриладиган Казкоммерцбанк сотиб олган эди. Тимур Кулибаев Қозоғистон тадбиркорлари «Атамекен» миллий палатаси Президиуми раиси вазифасини эгаллаб келади, Қозоғистон KAZENERGY нефтгаз ва энергетика мажмуаси ташкилотлари Ассоциациясига бошчилик қилади ва Миллий Олимпия қўмитасининг раҳбаридир, шунингдек Россиянинг “Газпром” компанияси директорлар Кенгаши таркибига кирган ва Қозоғистон бокс федерацияси, якка кураш ва спортнинг куч қўллаш тури Конфедерациясига бошчилик қилади. Динара Кулибаеваэса ўз отаси, Қозоғистоннинг ўзгармас президенти Нурсултон Назарбоев номидаги таълим жамғармасига бошчилик қилади. У камдан кам жамоатчиликка кўриниш беради.

Forbes миллиардерлар рўйхатини 1987 йилдан бери эълон қилиб келади. Бу йил рўйхатга 72 мамлакатдан 2208 киши киритилди, уларнинг биргаликдаги бойликлари 9,1 триллион долларни ташкил қилади. Бадавлат кишилар бўйича АҚШ етакчилик қилмоқда, журнал рўйхатига 585 нафар америкалик кирган.

Бўлишинг:

Муҳаррир танлови

Японияда болалар сони камайишни бошлади

Японияда болалар сони сўнгги 70 йил ичида энг паст кўрсаткичга етди. Ички ишлар вазирлигининг сўнгги маълумотларига кўра, мамлакатда 14 ёшгача бўлган 14,5 миллион ўғил ва қиз ...

Савияси паст ҳокимлар билан қаергача борарканмиз?

Фарғона вилояти ҳокими Шуҳрат Ғаниев  2018 йил февралда Қозоғистоннинг Оқтўбе вилоятида автобус ичида ёниб кетган 52 нафар юртдошларимиз билан боғлиқ воқеа-ҳодисалар пайтида ...

Бош прокуратура: «2017 йилда 51 260 та ҳолатда тадбиркорларнинг ҳуқуқлари бузилган»

Жорий йилнинг 28 июнь куни Ўзбекистон Республикаси Олий Мажлиси Сенатининг навбатдаги Ялпи мажлисида Ўзбекистон Республикаси Бош прокурори О.Муродовнинг ҳисоботи эшитилди.  ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400