Россияликлар сайлов арафасида бирданига маошлар кўтарилганини айтишмоқда

Йил бошидан бери бюджет соҳаси ходимлари – шифокорлар, олий таълим даргоҳи ўқитувчилари ва илмий ходимларнинг маошлари бир неча баробар ошди. Бу ҳақда РБК хабар тарқатди. Айрим ҳолларда ойлик маошлар беш баробар ошгани ҳақида гап бормоқда.

Масалан, Москвадаги Боткин номли клиник шифохона ходимларининг маоши икки баробар оширилди. Бу ҳақда шифохона ходимлари РБКга маълум қилишди. Ойлик маошлар икки-уч баробар ошгани ҳақида Гельмгольц номли кўз касалликлари илмий-тадқиқот институтининг шифокорлари ҳам маълум қилдилар. Минтақавий соғлиқни сақлаш «Действие» (“Ҳаракат”) касаба уюшмаси ходимларининг сўзларига қараганда, ойлик маошлар бирданига кўтарилгани ҳақидаги хабарлар минтақалардан, жумладан Новгород вилояти ва Ижевскдан келмоқда.

Олий таълим муассасалари ўқитувчитларининг маошлари ҳам сезиларли даражада кўпайди. Москва Давлат университети фаолларининг ҳисоб-китобларига қараганда, илмий ходимлар ва ўқитувчилар таркиби бир ойлик маошнинг беш баробар миқдорида пул олишган.

Москва иқтисодий сиёсатдепартаментининг маълум қилишича, гап бу ерда “май фармонлари”нинг бажарилиши ҳақида бормоқда, унга кўра 2018 йилда шифокорлар, Олий таълим даргоҳларнинг ўқитувчилари ва илмий ходимларининг маошлари минтақа бўйича ўртача 200 фоизни ташкил қилиши керак.

2012 йилнинг май ойида Владимир Путин Россия президенти лавозимига киришар экан 11та ҳужжатга имзо чеккан эди.Бу ҳужжатлар “май фармонлари” дея аталади. Бу фармонлар россияликларнинг, жумладан шифокор ва ўқитувчиларнинг турмуш даражасини юксалтиришга қаратилган. Декабр ойида бўлиб ўтган матбуот анжуманидаПутин фармонлар 94 фоизга бажарилганини маълум қилди. Бироқ ўз сўзига, «ҳал қилинмаган масалалар, амалга оширилганидан кўп эканини” қўшимча қилди.

Росстатнинг январь ойидаги маълумотларига кўра, Россияда шифокорларнинг ўртача маоши 28 фоизгача ( 72 минг рубл), илмий ходимларнинг маоши 37 фоизга (87 минг рубл), олий таълим даргоҳлари ўқитувчиларининг маоши эса 21 фоизгача (77 минг рубл) ошган.

Бўлишинг:

Муҳаррир танлови

Имомнинг рафиқаси: «эрим мхх ходимига танбеҳ бергани учун 13 йилга қамалди»

Сўнгги пайтда дин ва виждон эркинлиги муҳокама майдонидан тушмай қолди. Афсуски, эътиқод ва виждон ишига четдан аралашувчи кучлар айрим вазиятда бу масалага атрофлича ...

О! о! о! беҳаё овозларни реклама қилаётган реклама

О! О! О! Сезган бўлсангиз, кейинги вақтларда шу ҳарфнинг обрўи ошиб кетди. Телевизор пултини қўлга олиб, қайси каналга тўғриламанг, чиройли қизлар, баъзан ўрта ёшли аёллар ...

Фаҳрийлар тажрибаси-муаммолар калити

Жорий йилнинг 13 январида  инсон ҳуқуқларининг бир гуруҳ фаоллари Жиззахга ташриф буюриб, Толиб Ёқубов билан учрашдилар. Толиб Ёқубов 1992 йили биринчилардан бўлиб Ўзбекистон ...