Янги кун муборак эй дўсти азиз!

Янги кун муборак эй дўсти азиз!

Ўкинчлар эрисин сўнгги қор билан,
Орзулар тафтида кўкарсин умид.
Майли ғам ташвишни қувамиз бирга.
Армонлар юракка солмасин таҳдид.
Байрам татирмиди бўлмасангиз сиз?
Янги кун муборак эй дўсти азиз!

Халинчак илинган кекса ўрикнинг
Энг сўнгги гуллаши балки бу сана
Ғунчаларин тўкмай ниҳол қадайлик!
Бу боғлар пирхона бўлади яна.
Меваси татирми бўлмасангиз сиз?
Янги кун муборак эй дўсти азиз!

Сиз кетган манзиллар яқинмас зотан,
Ўртада ўрмонлар, уммонлар, тоғлар…
Сумалак шеърларим бўйлари билан
Ризқингиз илинай соғинган чоғлар…
Парирўй илҳом ҳам бешукуҳ сизсиз
Янги кун муборак эй дўсти азиз!

Бешикдан бўйласин бойчечак қизлар,
Ўғиллар нор бўлсин қаторлар тўлиб.
Тўйлар қилаверманг топганингизга,
Тўрида ўтиринг бойбува бўлиб!
Югуриб елайлик хизматларда биз.
Янги кун муборак эй дўсти азиз.

Не кунлар кўрмади саргардон бу бош.
Йиғласак баҳорий ёмғирлар ҳам хун.
Дардимиз тинглаган қанча Ёрилтош.
Бинафша рангида гуллабди бугун
Келинг, андуҳни ҳам чўктирайлик тиз
Янги кун муборак эй дўсти азиз!

Муаллиф: Муаззам Иброҳимова

Бўлишинг:

Муҳаррир танлови

Юлдузли тунлар-56

5 Тиниқ куз осмонида оқ ипакдан ҳам нафис мезонлар учади. Самарқанд боғларида катта дона анорлар етилган, соҳиби узумлар ва нақш олмаларнинг энг ширинлари қолган пайт. ...

Чингиз айтматов:қиёмат 12-қисм

Ростини айтсам, ўша соатда бошимдан нима кечаётганлигини англамас, англашни ҳам истамас эдим. Кўринишдан худди менга ўхшаган, худди мен каби одам бўлган ўн қўшиқчига нега бу ...

Юлдузли тунлар-5

АНДИЖОН ГУЛ ВА ҚУЮН 1 Чопарлар ҳали йўлда. Уруш тўполони Андижонга етиб келганича йўқ. Шаҳарнинг шимолидаги кўркам чорбоғ баланд девор билан ўралган, дарвозаларга ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400