Бошқа мавзулар
24 март куни Тожикистонда Аштлик Шамсиддин Шодиматов йўлкира ҳақи устида келиша олмаган такси ҳайдовчисига пичоқ билан ўлимга олиб келган жароҳат етказди. Хўжандлик 58 ёшли Ўктам Содиқов Аштдаги туман касалхонасига олиб келинди, лекин операциядан сўнг вафот этди.
Ашт туманидаги манба Понгоз жамоати аъзоси Шамсиддин Шодиматов яқинда Россияда 4 йиллик қамоқни ўтаб чиққани ва ўтган шанба куни озодликка чиққанидан сўнг Хўжандга келгани, туғилган қишлоғи Понгозгача такси олганини хабар қилди.
«Хўжандда у 200 сомонига такси ёллади. Бироқ, улар уйга яқинлашганда, улар ўртасида йўлҳақи устида тортишув келиб чиқди. Шодиматов ҳайдовчини чеккага олиб ўтиб, унга бир неча марта пичоқ урди», – деди манба.
Унинг сўзларига қараганда, ҳодиса шоҳидлари яраланган ҳайдовчини дарҳол қишлоқ касалхонасига олиб борган, у ердан эса уни туман касалхонасига олиб кетишган ва ҳайдовчи шу ерда вафот этган.
Шоҳидларнинг фикрига кўра, жанжал йўл жуда узоқ бўлгани ва ўтиш қийн бўлган йўлларни босиб ўтшга тўғри келгани боис, ҳайдовчи келишилган йўлҳақи устига қўшимча ҳақ беришни талаб қилганлиги учун юзага келган бўлиши мумкин.
Жиноятда гумон қилинувчи милиция ходимлари томонидан 25 март куни ушланди. Унга нисбатан жиноят иши қўзғатилди, тергов бошланган.
