“Мега сумалак” эмас халқаро анжуманлар Ўзбекистон нуфузини оширади

Наврўз байрами арафасида Марказий Осиё давлат раҳбарлари иштирокида минтақавий йиғилиш бўлиб ўтганидан хабарингиз бор. Қозоғистон пойтахти Астана шаҳрида бўлиб ўтган анжуманда Туркманистон президенти Қурбонгули Бердумухамедов қатнаша олмади. Туркманистон президентининг мазкур саммитда иштирок эта олмаслигига доир хабар тарқалгандан кейин интернет тармоқларида турлича фикрлар тарқала бошлади.

Ушбу мавзуга оид ҳатто сиёсатга алоқаси йўқ кишилар фикр билдирдилар. Кимдир туркманистон президентини саммитга “атай келмади” – деса, яна кимдир “бундай учрашувларни ўтказишнинг мутлақо фойдаси йўқ” – деган фикрларини илгари сурдилар.

Ушбу масалани четдан кузатсангиз, Туркманбошининг саммитга нима учун кела олмагани сабабини тушунгандек бўласиз. Қирғизистонлик сиёсатшунос Марс Сариев Туркманистон президентининг саммитда иштирок этмаганига “АҚШ билан Россиянинг Ўрта Осиё учун талашиши, бу масалада Қурбонгули Бердумухамедов тенгликни сақлашга уриниши”ни биринчи сабаб сифатида кўрсатади. Сиёсатшуноснинг айтишича, “Бердимухамедов Москва ва Вашингтон ўртасида қолишни истамайди. Туркманистонга Афғонистон томондан келадиган хавф-хатарларни бартараф этиш учун Россиянинг қурол-яроғи сув ва ҳаводек зарур”.

Россиялик сиёсатшунос Александр Князев: “Туркманистоннинг ҳозир Ўрта Осиё давлат раҳбарлари билан учрашишдан фойда йўқ. Сабаби уларга инвесторлар керак. Ҳозир Туркманистоннинг иқтисодиёти танг ҳолатда. Бу масалада Ўрта Осиё давлатлари ёрдам бера олмайди.

Ўтган ҳафтада Тошкентда бўлиб ўтган ҳамда Президент Шавкат Мирзиёев ташаббуси билан ташкил этилган “Тинчлик жараёни, хавфсизлик соҳасида ҳамкорлик ва шериклик” мавзусидаги халқаро конференцияни таъбир жоиз бўлса, Астана саммитининг давоми десак бўлади. Ушбу халқаро конференцияси Афғонистон масаласи муҳокама қилинди. Афғонистон масаласи ижобий ҳал қилинмагунча Туркманистон давлати хам безовталик вабосидан айрилмайди.

Бизнинг ҳукуматимиз шундай халқаро даражадаги конференцияларни, илмий музокораларни тез-тез ташкиллаштириб туришса, Ўзбекистонни ҳам кўплаб мамлакатлар яхши билиб оларди. Туризм соҳаси ҳам жадал равишда жонланарди. Инвестиция ҳам шу сингари ҳолатлардан кириб келадику ахир. Ҳар-хил бўлар бўлмас “рекордли ош”, “мега сумалак” сингари нарсаларга беҳуда маблағ сарфлагунча мунтазам равишда мана шундай тадбирлар уюштирилса Ўбекистонимизнинг нуфузи халқаро доирада янада ошиб блорарди.

Муаллиф: Нур Дӯст

Бўлишинг:

Муҳаррир танлови

“обод қишлоқ”  бўладими барбод

Президент ташаббуси билан Жиззах вилояти Дўстлик тумани Манас қишлоғида амалга оширилган ободончилик ишлари хайрли тажрибасидан келиб чиқиб, Ўзбекистондаги барча қишлоқларни ...

Ҳақ сўзни айтмасликдир аслида халққа хиёнат

Ҳақ  сӯзни айтмаслик халққа хиёнат Эшилиб, тўлғониб ингранади куй, Асрлар дардини сўзлар Муножот. Куйи шундай бўлса Ғамнинг ўзига Қандай чидай олди экан Одамзот?! Айтишларича ...

Зомбиқути ва диний идора ҳамкорликда исломофобиянинг янги босқичига ўтибди

Кеча "Ўзбекистон" каналидан берилган иккита кўрсатувни кўрдим. (more…)