“Аҳмадбойнинг акахони” эканлиги айтилаётган МХХ зобити ушланди

Собиқ МХХнинг Тошкент вилоят бошқармаси ҳузуридаги Терроризм ва уюшган жиноятчиликка қарши кураш бўлинмаси бошлиғи Мансур Мирзаев, устидан очилган жиноят иши доирасида, ушланди. Мирзаев судгача ҳибсда сақланадиган бўлди.

Бу маълумотни сиздирган ИИВ мулозимининг айтишича¸ Мирзаев Ички ишлар вазирлиги оператив ходимлари томонидан 20 март куни эрталабдан кечқурунгача ўтказилган махсус рейд давомида ушланган 25 шахснинг биридир.

Суҳбатдош таъкидича¸ Мансур Мирзаев мамлакат собиқ Бош прокурори Рашитжон Қодиров ва Тошкент шаҳар прокурорининг собиқ 1- ўринбосари Мирағлам Мирзаев устидан қўзғатилган жиноят иши доирасида ушланган. Мансур Мирзаев Тошкент шаҳар прокурорининг собиқ биринчи ўринбосари Мирағлам Мирзаевнинг укаси Мираъзам Мирзаевнинг ўғлидир.

Ўзбекистон прокуратурасидаги мулозимнинг айтишича, Мансур Мирзаев “Жиноят Кодексининг 205- моддаси (Ҳокимият ёки мансаб ваколатини суиистеъмол қилиш) ва 210- моддасида (Пора олиш) назарда тутилган жиноятларни содир этишда гумон қилинмоқда.”

ИИВ мулозимининг айтишича¸ Мирзаев “тадбиркорлар мулкини рейдерлик йўли билан тортиб олиш¸ таҳдид қилиш ва ноқонуний тадбиркорликка акаҳонлик қилиш” каби жиноятларда ҳам гумонланмоқда. “Мансур МХХнинг Тошкент вилоят бошқармасида ишлаган пайти Ғазалкент ва Чорвоқдаги кўп тадбиркорларнинг меҳмонхона ва ресторанларини тортиб олиб, қақшатган. Энг қизиғи, пирамидачи Аҳмадбойга кришалик килиб кўп миқдорда пул олиб юрган. Аҳмадбой Мансурнинг пора олиб юрганини қўлга олинган куниëқ ëзиб берган. Аҳмадбой илк қамалган кунлари ëзилган бу кўрсатмалар босди-босди қилинган. Қодиров (собиқ Бош прокурор) ва Мирағлам (Тошкент шаҳар прокурорининг собиқ биринчи ўринбосари) қўлга олинганидан кейин бу масала кўтарилди. Мансурни, асосан, Аҳмадбой пуллари масаласида тергов қилишяпти”¸ – деди мулозим.

Эслатиб ўтамиз, чинозлик “Аҳмадбой” номи билан танилган Аҳмаджон Турсунбоев 2016 йилнинг ёзида қўлга олинган. Турсунбоев “катта дивидент бераман” деб минглаб одамлар пулини товламачилик билан ўзлаштирганликда айбли, деб топилган.

Бўлишинг:

Муҳаррир танлови

Асли ўзбекистонлик ақш фуқароси зокир алиев озод қилинди

Ўзбекистондан олинган хабарларга кўра, бундан бир неча кун олдин терроризмга алоқадор айбловлар билан гумонланиб Қашқадарё вилоятида ҳибсга олинган АҚШ фуқароси Зокир Алиев ...

Гулнора каримова дубайдами?! бош прокуратура расмий баёнот берди

Айрим ОАВда Гулнора Каримованинг Ўзбекистон қамоғидан озод этилиб¸ Бирлашган Араб Амирликларига етиб келгани ҳақида хабарлар тарқалди. Айтилишича, Гулнора Каримова хусусий ...

Турк адвокати нодира қодирова ўлими бўйича аниқ далиллар яширилаётганини маълум қилди

«Медя ҳабер» телеканалининг «6-кун» кўрсатувида Туркия Халқ демократик партиясининг Истанбулдаги депутати ва адвокат Зулейҳа Гулум меҳмон бўлиб, ўз фикрлари билан бўлишди, ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400