Туркманистонда 30 ёшга тўлмаган эркакларга хорижга чиқиш тақиқланди

Эндиликда ўттиз ёшга тўлмаган эркаклар хорижий сафарга чиқарилмайди, дея хабар берди Дашоғуз вилоятидаги “Озодлик” манбаси минтақа Миграция хизматидаги вакилига таяниб.

Манбанинг айтишича, амалдор бу каби чоралар фуқароларнинг хавфсизлигини таъминлаш мақсадида амалга оширилаётганини айтган.

“Менинг хорижга чиқмоқчи бўлган 27 ёшли танишимни вилоят миграция хизматига чақиришди, унинг чиптасини олиб қўйишди ва Ашхободга боришнинг ҳожати йўқлигини, янги фармойишга кўра 30 ёшга тўлмаган эркаклар мамлакатдан ташқарига чиқарилмаслигини айтишган”, – дейди “Озодлик”нинг Дашўғуздаги манбаси.

Унинг айтишича, бир неча ўсмирга чипталарнинг ҳақи қайтарилган. Бироқ манба хорижга амалга ошмаган сайёҳат харажатлари учун қанча миқдорда товон берилганини аниқлай олмади.

Сўнгги ойларда фуқароларнинг хорижга, биринчи навбатда Туркияга чиқишига тўсқинликлар бўлаётгани кузатилмоқда. Шу билан бирга ҳукумат чет элдаги фуқароларни, жумладан меҳнат муҳожирлари ва хорижий ўқув юртларида таълим олаётган талабаларни Туркманистонга қайтариш мақсадида қатор чораларни кўраётгани ҳақида хабарлар пайдо бўлди.

Бўлишинг:

Муҳаррир танлови

Келин учун 50000 долларлик қалин пули муаммонинг ечими бўла оладими?

"Хориж фуқаролари тожикистонлик хотин-қизларга уйланишдан аввал 50 минг доллар қалин пули тўлаб қўйишсин. Бу нарса қонунан белгилаб қўйилсин". Шу кунларда худди ана шундай ...

Қисқа муддатда атамбаевнинг сочлари оқариб кетди – оав

Арашан қишлоғига Ҳайит намозига ташриф буюрган Қирғизистоннинг собиқ президенти Алмазбек Атамбаев ўйчан эди. Камига, сочлари оқариб кетганди (more…)

Меҳнат вазирлиги тиззасигача сувга тушиб турганлар юзасидан суриштирув бошлади

Меҳнат вазирлиги аҳолидан ижтимоий тармоқларда тарқалган тиззасигача сувга тушиб турган 6 киши юзасидан маълумотлар ҳақида хабар беришни сўради, дея ёзмоқда «Газета.uz» ...