Ўзбекистон Тожикистонда тиббиёт маркази қуради, дея хабар берди Тожикистон ҳукумат тизилмаларидаги манба, 21 апрель куни.
200 га яқин бемор даволаниши мумкин бўлган Тиббиёт маркази қуриш борасидаги Тошкентнинг таклифини Тожикистон ҳукумати маъқуллади. Манбанинг айтишича, тиббиёт маркази Хатлон вилояти ҳудудида барпо этилади.
«Ҳужжатга кўра, тожик томони тиббиёт маркази қурилиши учун ер ажратади ва қурилиш майдончасида фаолият юритадиган ўзбек қурувчиларининг хавфсизлигини таъминлайди. Ўзбекистон ҳукумати маблағ ва ишчи кучлари билан таъминлайди. Ўзбекистон вакилларига Тожикистон ҳудудларида мамлакат қонунларига риоя этиш мажбурияти юклатилди», – дейди манба.
Бундан аввал Тожикистон ҳукумати, Самарқандда 640 нафар ўқувчига мўлжалланган мактаб қуриши ҳақида маълум қилган эди. Бу борадаги фармойиш Тожикистон президенти Эмомали Раҳмон томонидан март ойида имзоланди. Қурилиш тамомланганидан сўнг мактаб биноси Самарқанд маъмуриятига топширилади.