Турк президенти Эрдўғон Тошкентга келди

Турк президенти Эрдўғон Тошкентга келди

Ўзбекистон Республикаси Президенти Шавкат Мирзиёевнинг таклифига биноан Туркия Республикаси Президенти Ражаб Тоййиб Эрдўғон 2018 йил 29 апрель – 1 май кунлари давлат ташрифи билан Ўзбекистонда бўлади.

Бугун, 29 апрель куни Шавкат Мирзиёев билан учрашиш учун Туркия Президенти давлат ташрифи билан Тошкентга келди.

Ташриф доирасида Тошкент шаҳрида кўп қиррали ҳамкорликни янада мустаҳкамлаш йўллари, икки томонлама муносабатларнинг янги истиқболларини белгилаш ва ривожлантиришни муҳокама қилиш режалаштирилган. Минтақавий ва халқаро аҳамиятга молик, жумладан, глобал ва минтақавий хатар ва таҳдидларга қарши курашиш масалаларига алоҳида эътибор қаратилади.

Шунингдек, Туркия Президенти Ўзбекистон Республикаси Олий Мажлиси палаталарининг қўшма мажлисида сўзга чиқади. Президентлар Ўзбекистон ва Туркиянинг етакчи банклари, компания ва фирмалари раҳбарларининг қўшма бизнес форумида ҳам иштирок этади.

Ташриф дастуридан Туркия делегациясининг Бухоро шаҳрида бўлиши ҳам ўрин олган.

Ўзбекистон – Туркия музокаралари якунида Президентлар икки томонлама муносабатларнинг жорий ҳолати ва уни жадал ривожлантириш масалалари акс этган Қўшма баёнотни имзолаши режалаштирилган.

Ташриф доирасида давлатлараро, ҳукуматлараро ва идоралараро турли соҳаларга оид салмоқли ҳужжатлар тўплами ҳамда қатор инвестиция келишувлари имзоланиши кутилмоқда.

Манба: xabar.uz

Бўлишинг:

Муҳаррир танлови

Президент ўқув китобларидаги хатоларни такрорламасликни вазирдан талаб қилди

Қирғизистон Президенти Сооронбай Жээнбеков мактаб ўқувчилар учун босмахонадан чиқаётган китобларнинг сифати пастлигини танқид қилиб, ўқув китобларини босиб чиқаришда ...

Путин ёллаган суриялик жангарилар нима учун украинага келаётгани ойдинлашди

Россиянинг Суриядаги ёлланма аскарлари Украинага жанг қилиш учун эмас, Европага қочиш учун келишмоқда. Уларнинг мақсади Суриядан чиқиб, Европага етиб бориш. Бу ҳақда Украина ...

Саудия арабистони компанияси андижонда текстил корхонаси ва меҳмонхона қуради

Саудия Арабистонининг Аjlan&Bros. Group компанияси Андижон вилояти билан текстил ҳамда туризм соҳасида ҳамкорлик ўрнатади. Бу ҳақда вилоят ҳокимлиги матбуот хизмати хабар ...