Наманганда сингил акасини ўлдириш учун қотил ёллашда айбланди

Наманганда сингил акасини ўлдириш учун қотил ёллашда айбланди

Ўзбекистон Ички ишлар вазирилиги Ахборот хизматининг хабар қилишича, Наманган вилоятида истиқомат қиладиган аёл ўз акасини ўлдириши учун қотил ёллашда айбланмоқда.

Хабарда айтилишича, вилоятнинг Чуст туманида яшайдиган 40 яшар А.Б. (исми ўзгартирилган) вилоят ИИБсига ўз синглиси уни қасддан ўлдириш учун ўз танишига 1,5 млн. сўм ва 50 АҚШ доллари берганини айтиб ариза киритган.

Хабарда айтилишича, сингил қотилга акасини ўлдирса, қўшимча яна 1000 АҚШ доллари беришни ваъда қилган.

Натижада, тезкор гуруҳ буюртма қотилликни саҳналаштирган ва сингилни буюртма қотилга қолган пулни бераётган вақтда қўлга олган.

ИИВ ҳолат юзасидан сингил ва унга кўмаклашган яна бир шахсга Жиноят кодексининг 25 ва 97-моддаси 2-қисми билан жиноят иши қўзғатиб, тергов бошлади.

Ҳозирча, сингилни бу жиноятга бошлаган мотивлар ҳақида маълумот берилмади.

Манба: “Озодлик” радиоси

Бўлишинг:

Муҳаррир танлови

Ўзбекистон-тожикистон алоқалари кўнгилдагидек ривожланяптими?

Тожикистон ва Ўзбекистон алоқалари тез ривожланиб бормоқда. Тошкентда ўтказилган Тожикистон маданияти кунлари Ўзбекистон оммавий ахборот воситаларида кенг ёритилдики, шунинг ...

Ўзбекистон ва озарбайжон мудофаа вазирлари ўзаро ҳарбий ҳамкорлик режасини имзолади

Бугун, 29 октябрь куни генерал-майор Баҳодир Қурбонов Озарбайжон мудофаа вазири генерал-полковник Закир Гасанов билан икки томонлама учрашув ўтказди. Бу ҳақда Мудофаа ...

Абдулла арипов туркманистонга ташриф буюрди

Ўзбекистон Республикаси бош вазири Абдулла Арипов бошчилигидаги делегация Туркманистонда бўлиб турибди. Бу ҳақда “Kun.uz” хабар берди. Қайд этилишича, Абдулла Арипов ва ...