Каримов даврига сиёсий баҳо бериш вақти етилди

Ўзбек эркакларини қулга, хотинларини чўрига айлантирган Каримов ва унинг қаттоллари ишларига ( 27 йиллик иш…) сиёсий баҳо бериш вақти етилди. Йўқлик ва хорликдан туман – туман кишиларни очунга сочилишлари, аёлларни издан чиқишлари, талабалар шаҳарчаси, Бўка, Паркент, Андижон қирғинлари, Тошкент, Бухоро портлашлари, оммавий коррупция ва беадад қама-қамалар шуни талаб этади.

У маъшум даврга сиёсий баҳо бермасдан туриб, олдинга ишонч билан силжиш қийин… Силжиса, ҳар қадамда қонли тўсиқларга дуч келади…

Менимча, президент Мирзиёев  “Сиёсий баҳо бериш …” эшигини қия очди. Тўла очишни тезлаштириш учун эса элнинг онгли қатлами уюшган ҳолда ҳаракат қилиши лозим.

Ҳа, уюшган ҳолда .

Журналистлар,

Ёзувчилар,

Олимлар бир бутун ҳолда.

Йўқса, каримизмни илдизи билан қўпориб ташлаш ва унга сиёсий баҳо бериш маҳол.Чунки диктаторнинг ҳали каллакланмаган бир қисми кучда турибди:

З.Алматов,

Х.Султонов,

Т.Худойберганов…

Булар юзлар…

Буларнинг бари миллиардерлар.

Ёлғиз ҳаракат уларнинг заҳарли нишларига бардош беролмайди.

Заҳарли нишлар куч билан бўлмаса, пул билан чалади…

Шу учун эл ойдинлари уларга қарши эл билан бир бутун ҳолда курашмоқлари шарт.

27 йил еган-ичганларини қусадиган вақт келди!

27 йил ўлдирганларининг хунларини тўлайдиган вақт келди!

Қотил Каримов ва унинг ҳали жиноий жавобгарликка тортилмаган одамерлари занжирланган ҳолда “Борса келмас”га юборилиши лозим!

Ўзбекистон Олий суди томонидан.

Мабода, бу адолатли иш ўтиб бўлмас тўсиқларга … йўлиқса, Каримов ва у бош Ватан хоинлари Халқаро Гаага судига берилиши лозим.

Муаллиф: Эврил ТУРОН

Бўлишинг:

Муҳаррир танлови

Ўзбекистонда жиноятчини ушлаб берганларга катта миқдорда мукофот берилади

Жиноятчиларни ушлашда ёрдам берганларга катта миқдорда пул мукофоти берилибгина қолмай, бундайлар қонун ҳужжатларига мувофиқ давлат мукофотларига ҳам тавсия этилиши мумкин. ...

Сохта абитуриентлар аниқланди, аммо улар аллақачон талаба

2017 йили Ўзбекистон Республикаси Президенти Шавкат Мирзиёев имзолаган қарор билан олий таълим муассасаларида педагогика йўналишида махсус сиртқи бўлимлар ташкил этилди. Янги ...

Хидир каримов қорақалпоғистон республикаси прокурори бўлди

Каримов Хидир Саматович Қорақалпоғистон Республикаси Прокурори лавозимига тайинланди. Бу ҳақда ЎзА хабар бермоқда. Х.Каримов шу кунга қадар Навойи вилояти прокурори ...