Amnesty International делегацияси кейинги 14 йил ичида илк бор Ўзбекистонга ташриф буюради

Халқаро инсон ҳуқуқлари ҳимояси ташкилоти – Amnesty International (AI) делегацияси 2004 йилдан бери илк бор Ўзбекистонга ташриф буюради. Ташкилот баёнотида айтилишича, ташриф 24-25 май кунларига режалаштирилган бўлиб, ундан республика Ташқи ишлар ва-зирлиги ва Адлия вазирлиги мулозимлари билан учрашувлар ўрин олган. Ҳуқуқ ҳимоячилари гуруҳини Amnesty Internationalнинг Шарқий Европа ва Марказий Осиё бўлими директори Мари Стразерс ва унинг ўринбосари Денис Кривошеевлар бошқарадилар.

Мари Стразерс Ўзбекистон ҳукумати инсон ҳуқуқлари бўйича экспертлар билан мулоқот олиб боришга тайёр эканини маълум қилди. «Кейинги бир ярим йил ичида ҳукуматнинг ижобий қадамлар ташлагани, жумладан қийноқларга мутлоқ барҳам бергани бизларни мамнун этади. Лекин Ўзбекистонда инсон ҳуқуқларини ҳимоя қилиш учун ҳали кўп ишларни амалга ошириш лозим. Бизлар ўзбек ҳукумати учун тавсиялар рўйхатини тайёрлаганмиз, умид қиламизки, расмий Тошкент уни жиддий ўрганиб чиқади. Бу ерда гап сиёсий мотивларга боғлиқ жиноий ишларни тўхтатиш ва ўтмишда инсон ҳуқуқларини поймол этилгани ҳодисаларини холисона баҳолаш ҳақида кетмоқда», – деб қўшимча қилади AI минтақавий бўлим бошлиғи.

Amnesty International ташкилоти вакиллари сўнгги охирги марта Ўзбекистонга 2004 йили ташриф буюргандилар. Ўшанда ташкилот Ўзбекистонда фаолият юритувчи “Оналар ўлим жазоси ва қийноқларга қаршидир” ҳуқуқ ташкилоти билан ҳамкорликда конференция ўтказганди.

AI ташкилотининг дунёдаги инсон ҳуқуқлари ҳимоясига бағишланган йиллик докладига биноан, Ўзбекистон 2017 йили Марказий Осиёда инсон ҳуқуқ ва эркинликларини ҳимоя қилиш борасида ижобий қадамлар ташлаган ягона давлат, деб тан олинган. Бироқ, мамлакатдаги аҳволни жуда яхши деб бўлмайди. Куни-кеча Ўзбекистон президентининг АҚШга ташрифи муносабати билан Amnesty International Дональд Трампни музокараларда Ислом Каримов давридаги сиёсий репрессия ва сексуал озчиликни ташкил этадиган инсонлар қисмати билан боғлиқ муаммоларни муҳокама қилишга чорлаганди.

Манба“Фарғона” халқаро ахборот агентлиги

Бўлишинг:

Муҳаррир танлови

Сарвархон бузрукхонов олий ва ўрта махсус таълим вазирига ўринбосар бўлди

Сарвархон Бузрукхонов Олий ва ўрта махсус таълим вазирининг ўринбосари лавозимига тайинланди. Бу ҳақда вазирлик ахборот хизмати хабар берди.                                 ...

Нукусда талабалар қасам ичишга мажбурланди

Шу йил 5 сентябр куни Нукус Давлат педагогика институтида ҳам янги ўқув йили бошланиши муносабати билан тантанали тадбир ташкил этилди. Тадбирда профессорлар, академиклар, ...

“ўзбекистон ҳаво йўллари“нинг самолёти истанбулдан учиб кета олмади

“Ўзбекистон ҳаво йўллари” МАКга қарашли Boing 767 самолёти Истанбулдан Тошкентга парвозни ўз вақтида амалга ошира олмади. Бу ҳақда Соф.уз нашри хорижий оммавий ахборот ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400