Президентни “Ӯзбекистон қаҳрамони” унвони билан тақдирлаш шарт эмас

Яқиндагина Ӯзбекистон Республикаси Президенти Шавкат Мирзиёевни олий даражадаги мукофот – “Ўзбекистон Қаҳрамони” унвони билан тақдирлашга доир илгари сурилган таклиф Facebook ижтимоий тармоғида эълон қилинган эди. Манбалардан маълум бӯлишича, шов-шувли янгилик 27-апрель куни тарқатилган экан. Таклиф эълон қилинганига ҳали бир ой бӯлмасдан 10 минг овоз йиғиб улгурибди.

Бу, албатта, яхши. Халқимизнинг ён атрофимизда рӯй бераётган воқеа-ҳодисаларга нисбатан муносабат билдириш лаёқати шаклланаётганидан, сиёсатга қизиқа бошлаганидан, онг-тафаккури уйғонаётганидан, янгиликлардан бефарқ қолмаётганидан далолат беради.

Ташаббусчи Менинг фикрим ижтимоий портали мутасаддиларининг айтишича, шу кунга қадар Олий Мажлисга юбориш учун керакли овоз тўпланган. 10 минг овоз Президентимизга “Ўзбекистон Қаҳрамони” унвонини бериш учун етарли.

Бундан ташқари,   Президент Шавкат Мирзиёевни “Ўзбекистон Қаҳрамони” унвони билан тақдирлаш тўғрисидаги таклиф O’zLiDeP ташкилотлари ходимлари, фаоллари ва депутатлари томонидан ҳам тўла қўллаб-қувватланган кӯринади. Айтишларича, уларнинг 1000га яқин маслакдошлари мазкур таклифга ўз фикр-мулоҳазаларини билдиришган…

Ҳақли савол туғилади. Бу савол Президент Шавкат Мирзиёевнинг оғзидан чиққан гаплари, яъни қарсакбозликни йиғиштиринглар, мени мадҳ қилишни тӯхтатинглар, мени алдашни бас қилинглар, деган куюнчак гапларидан келиб чиққан ҳолда туғилади. Лекин шундай бӯлса-да, бизнинг назаримизда айнан Президент атрофидагилар давлат раҳбарининг кӯп сӯзларига парво қилмаётир. Президент сиёсатига ана шундай тарздаги бепарволиклар эса давлат раҳбарига “Ӯзбекистон қаҳрамони” унвонини беришдек шошма-шошар ишга олиб келмоқда.

Аслида Президент қилаётган ишларга нисбатан бундай муносабат тӯғрими? Менимча, йӯқ. Чунки президент қилиши керак, шарт ва зарур бӯлган ишларни қиляпди. Ваколат доирасидан келиб чиқиб яхшими-ёмонми бир қатор ишларни амалга оширяпди. Бунинг учун Президентни “Ӯзбекистон қаҳрамони” унвони билан тақдирлаш шарт эмас. Бунга Мирзиёевнинг ӯзи ҳам эҳтиёж бӯлмаса керак.

Шундай экан, лаганбардорликни бир чеккага йиғиштириб қӯйиб, шу юрт, шу эл, шу давлат, шу халқ учун фидокорона ишлашга бел боғлаган ва бу унинг вазифаси саналадиган Президентнинг фаолиятини кӯкларга кӯтариш, уни унвонлар билан тақдирлаш, сал кам Худога айлантириш каби иллатларга чек қӯймоғимиз лозим. Ӯтган 25 йил давомида ҳамма соҳада етарли даражада ислоҳотлар амалга оширилганда эди, Мирзиёевни кӯкларга кӯтариш, уни чин ислоҳотчи деб алқашга ӯрин қолмаган бӯларди. Менимча Ш. Мирзиёев шунчаки Ислом Каримовнинг хатоларини тӯғрилаяпди ва халқимиз учун нимадир қилиш иштиёқида жавлон ураяпти. Ҳали олдида қилиши шарт ва даркор бӯлган ишлар талайгина. Демак, Президентга ҳалақит бермайлик. Унга яхши кӯринамиз, ёқамиз деб бемаврид ҳафсаласини пир қилмайлик. Ҳозирда бир уйғониб, бир сӯнаётган умидларимизга озор бермайлик.

Муаллиф: Рӯзибой Азимий

Бўлишинг:

Муҳаррир танлови

Тунисда икки поезднинг тўқнашуви оқибатида 95 киши жабрланди

Тунис пойтахти жанубида икки йўловчи поезди тўқнашиб кетди, натижада 95 киши жабрланди. Тунис ҳуқуқ-тартибот идораларига кўра, жабрланувчилар енгил тан жароҳатларини олган. ...

Ўзбекистонда расман 800 минг киши 500 минг сўм ойликка ишлайди. уларнинг конвертда қанча олиши — номаълум

Ўзбекистон молия вазири ўринбосари Дилшод Султоновнинг сўзларига кўра, Ўзбекистонда биринчи тоифадаги 800 минга яқин ишчи 500 минг сўм атрофида минимал ойлик маош олади. ...

Улуғбек қосимов сурхондарё вилоят прокурори бўлди

Улуғбек Қосимов Сурхондарё вилоят прокурори лавозимига тайинланди. Бу ҳақда Turon24 нашрига Бош прокуратура ахборот хизмати хабар берди. Улуғбек Қосимов прокуратура ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400