Аркадий Бабченко тирик. Суиқасд махсус амалиёт бўлиб чиқди

Журналист Аркадий Бабченкога уюштирилган суиқасд саҳналаштирилган ва Украина хавфсизлик Хизмати (УХХ) ўтказган махсус амалиётнинг бир қисми бўлиб чиқди.

Махсус амалиёт вақтида журналист ҳаётига суиқасд қилишга тайёргарлик кўрганликда гумон қилинган шахс қўлга олинди, маълум бўлишича, унга 30 минг доллар тўланган.

“Чегара билмас мухбирлар” халқаро ташкилоти журналистнинг ўлдирилишини саҳналаштириш билан боғлиқ ҳодисадан ўзининг эътирозини билдирди. Бу ҳақда ташкилот раҳбари Кристоф Делуар твиттерда ёзди. У юз берган ҳодисани Украина махсус хизматларининг манипуляцияси деб атади. Унинг сўзларига қараганда, “давлатнинг фактлар билан, бунинг устига журналистлардан фойдаланган ҳолда ўйнашиши хавфлидир”.

Журналистнинг ўзи ҳаётини сақлаб қолгани учун УХХга миннадорчилик билдирди. Унинг сўзларига қараганда, УХХ ходимлари унинг ҳаётига суиқасд борасида буюртма борлиги ҳақида айтишган ва унинг паспортидаги сурат бўлган далилни кўрсатишган, шундан сўнг журналист буюртмачилар махсус хизматлар иштирокида маълумотга эга бўлишган, деган хулосага келган.

Журналистга нисбатан суиқасдни ташкиллаштиришда асосий гумондор сифатида Украинанинг Г. исмли фуқароси кўрилмоқда. УХХ ҳозирча гумондорнинг исмини ошкор қилмади. Буюртма қотиллик учун ижрочи $30 минг олиши керак эди, деди УХХ раҳбарининг ўринбосари Василий Грицак.

Унинг айтишича, қотиллик борасидаги буюртма Россиядан келган. Амалиёт учун жами $40 минг ажратилган, шундан 10 мингини фуқаро Г.нинг воситачиси олиб қолган, дея таъкидланади УХХ хабарида.

Матбуот анжумани вақтида Грицак пул берилаётган жараён ва воситачининг қўлга олинаётгани борасидаги тезкор олинган лавҳаларни намойиш қилди. УХХ версиясига кўра, россиялик журналистнинг ўлимини Россия махсус хизматлари буюртма қилган.

Украина бош прокурори Юрий Луценконинг маълум қилишича, қотиллик ижрочиси “сохта шахс” бўлган. Воситачининг “ижрочи”га пулларни бериш жараёни акс этган видеоёзув ҳам махсус хизматлар томонидан намойиш қилинди.

29 май куни кечқурун Украина полицияси Бабченко Киевдаги ўз уйи йўлагида отиб кетилгани борасида маълум қилди, қотиллик жойидан Макаров тўппончасининг 9 миллиметрлик патронининг учта ўқи топилгани эълон қилинди. Унинг хотини “тез ёрдам” чақирди, бироқ журналист шифохонага олиб кетилаётганида гўёки вафот этди.

Шундан кейин Украина Миллий полицияси раҳбари Сергей Князев қотиллик ижрочиси “профессионал” бўлганини, жиноят эса бир гуруҳ одамлар томонидан тайёрланганини билдирди.

Украина президенти Петр Порошенко Аркадий Бабченко ва унинг оиласини туну кун қўриқлаш борасида кўрсатма берди.

Бўлишинг:

Муҳаррир танлови

“uztelecom” навоий вилояти филиали директори ўз ходимларини мажбурий меҳнатга ундамоқда

Таҳририятга “Uztelecom” Навоий вилояти филиали ходимидан (исми ошкор этилмаслигини сўраган) шикоят хабари келди. Унинг айтишига филиал директори ходимларга иш вақти ...

Миллий диалог ва глобал ҳамкорлик

Камолиддин РАББИМОВ, сиёсатшунос, Париж, Франция.   Ўзбекистон мустақил бўлгач, ҳокимиятдан бошқача фикрловчиларни давлатчиликка муаммо ҳосил қилувчи омил, куч, қатлам ...

Наврўз қаерда қандай нишонланади?

Баҳор келиши билан барча юртларда миллий байрам ва анъаналарни нишонлаш бошланади. Чунки дунё халқларининг ҳар бирида кўклам фасли ва янги йилга бағишланган удумлар бор. ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400