Парламент Назарбоевга тааллуқли янги қонун қабул қилди

Қозоғистон парламенти сенати депутатлари Нурсултон Назарбоевга Хавфсизлик кенгашини бир умр бошқариш ҳуқуқи билан таъминлайдиган “Қозоғистон Хавфсизлик кенгаши тӯғрисида”ги қонунни қабул қилди, дея хабар беради Sputnik Қозоғистон.

Хавфсизлик кенгашининг ҳуқуқий мақомини, ваколати ва вазифаларини ташкиллаштиришни белгилайдиган қонун лойиҳасида президентга яна бир бора умрбодлик лавозим берилиши ҳақида гап борган.

“Бу борада Қозоғистоннинг биринчи президенти – элбошига унинг тарихий миссиясига боғлиқ ҳолда Хавфсизлик кенгашини раис сифатида бошқариш ҳуқуқи умрбод тегишли эканлиги белгиланади”, — деб ёзилган қонун лойиҳаси бӯйича хулосада.

Шуни алоҳида таъкидлаш керакки, Адлия вазири Марат Бекетаев Назарбоевга Хавфсизлик кенгашини умрбод бошқариш ҳуқуқи берилган қонун нормаси ӯтган йили тасдиқланганини тушунтирган эди. Шу тариқа, конституциявий қонунга киритилган ӯзгаришларга мувофиқ, Назарбоев Хавфсизлик кенгашини бир умр бошқаради.

Қизиғи шундаки, Ӯзбекистонда ҳам президент Шавкат Мирзиёевга “Ӯзбекистон қаҳрамони” унвонини бериш, уни Нобель мукофотига тавсия қилиш чора-тадбирларида айнан президент атрофидаги кучлар, сиёсий ташкилотлар, депутатлар жонбозлик кӯрсатаётир. Демак, мамлакатда демократик тамойиллар кенг қулоч ёзишига оддий халқ эмас, балки юқори лавозимларда ишлайдиган амалдорлар, сиёсатчилар, ҳамда президентлар ишониб тайинлаган раҳбарлар кӯпроқ тӯғаноқ бӯлади. Бунга Элбоши Н. Назарбоевни то умрининг охиригача Хавфсизлик кенгаши раиси этиб тайинлаши ҳамда буни қонун йӯли билан тасдиқлаши яққол мисол бӯла олади. Ҳа, “Восток – дело тонкое” ибораси беҳуда айтилмаган.

Муаллиф: Рӯзибой Азимий

Бўлишинг:

Муҳаррир танлови

«ушланг, прокуратурага берворамиз»: зўравон «замҳоким»лар пойтахтда ҳам бор. олмазор туманида kun.uz ходимлари тажовузга учради

14 август куни Kun.uz ходимлари «Хива строй» МЧЖ раҳбарининг таҳририятга йўллаган мурожаати юзасидан изоҳ олиш мақсадида Олмазор туман ҳокимлигида бўлди. Мурожаатда ташкилот ...

Нуруллоҳ муҳаммад рауфхон (нурулло отахонов)нинг “бу кунлар ” асари ҳақида

Менинг ёзувчи Нуруллоҳ Муҳаммад Рауфхон (Нурилло Отахонов)нинг “Бу кунлар” китобига боғлиқ ушбу фикр-мулоҳазаларим жамиятимизда бошланган янги ўзгаришларга бўлган ишончимдан, ...

Ҳамма ўз ишини қилса…

Минг йиллардан буён таъкидлаб келинаётган бир ҳақиқат бор: давлат, жамият равнақ топиши учун ҳар ким ўз вазифани бажармоғи керак. Агар деҳқоннинг ишини ўқитувчи, фаррошнинг ...